ଆରଡି ବାବା ଆଖଣ୍ଡଳମଣୀଙ୍କ ଲଗ୍ନ କାର୍ଯ୍ୟ ସରିଲା:ଜୁନ ୪ରେ ଶିବ ପାର୍ବତୀଙ୍କ ବିବାହ

ଭଦ୍ରକ, (ବାଘୁଆବାର୍ତ୍ତା): ସରିଲା ଲଗ୍ନ କାର୍ୟ୍ୟ । ଆସନ୍ତା ଜୁନ ୪ ତାରିଖରେ ଅନୁଷ୍ଠିତ ହେବ ଦେବ ଦମ୍ପତିଙ୍କ ବିବାହ । ତେବେ କରୋନା କଟକଣା ପାଇଁ ଗତ ୨ ବର୍ଷ ହେଲା ଭଦ୍ରକ ଜିଲ୍ଲା ଆରଡି ଆଖଣ୍ଡଳମଣୀ ପୀଠରେ ଶିବ ବିବାହ ଉତ୍ସବ ବନ୍ଦ ଥିଲା । ହେଲେ ଚଳିତ ବର୍ଷ ପୂର୍ବ ପରି ଧୂମ୍ଧାମରେ ପାଳିତ ହେବ ଶିବ ବିବାହ ଉତ୍ସବ । ଏଥିପାଇଁ ସମ୍ପୂର୍ଣ୍ଣ ରିତିନୀତିରେ ସମ୍ପନ୍ନ ହୋଇଛି ଲଗ୍ନ ଧରା କାର୍ୟ୍ୟ ।ପ୍ରଥମେ ବର କର୍ତ୍ତାଙ୍କ ଘରୁ ଲଗ୍ନ ଧରି ସେବାୟତ ମାନେ ମନ୍ଦିର ବେଢା ପରିକ୍ରମା କରି ମାତା ପାର୍ବତୀଙ୍କ କର୍ତ୍ତା ଚନ୍ଦ୍ରମଣୀ ପାଢୀଙ୍କ ଘରେ ପହଞ୍ଚି ଲଗ୍ନ କାର୍ୟ୍ୟ ସମ୍ପନ୍ନ କରିଥିଲେ । ସେଠାରେ ବାରିକ, ବ୍ରାହ୍ମଣ ଲଗ୍ନ ଚିତାଉ ପାଠ କରିବା ପରେ ଲଗ୍ନ ଚିତାଉକୁ ବର କର୍ତ୍ତା ଦୁଷ୍ମନ୍ତ ପାଢୀଙ୍କ ଘରେ ପଠନ କରାଯାଇଥିଲା ।