କୋରପୁଟ, (ବାଘୁଆବାର୍ତ୍ତା): କୋରାପୁଟ ପୋଲିସ ପକ୍ଷରୁ ଚାରି ନକଲି ମାଓବାଦୀ ଗିରଫ। ଜଣେ ଯୁବତୀ ସହ ଚାରି ଗିରଫ। ଫୋନ ମାଧ୍ୟମରେ ମାଓବାଦୀ ପରିଚୟ ଦେଇ ଟଙ୍କା ମାଗିବା ସହ ହତ୍ୟା ଧମକ ଦେଉଥିଲେ। ଯୁବତୀ କାଜଲ ମହାନନ୍ଦିଆ ନିଜକୁ ମହିଳା କମାଣ୍ଡର ଭାବେ ପରିଚୟ ରଖୁଥିଲେ। ପୋଲିସ ନିକଟରେ ଅଭିଯୋଗ କଲେ ପ୍ରଜା କୋର୍ଟରେ ଦଣ୍ଡିତ ହେବା ନେଇ ଧମକପୂର୍ଣ୍ଣ ଫୋନ କଲ୍ କରୁଥିଲେ।
ସମସ୍ତଙ୍କୁ ଗିରଫ କରାଯାଇଛି। ସେମାନଙ୍କଠୁ ନଗଦ ଟଙ୍କା ଜବତ କରାଯାଇଛି। ଏ ନେଇ ପାଡୁଆ ଥାନାରେ ଅଭିଯୋଗ ପରେ ନନ୍ଦପୁର ଏସଡିପିଓଙ୍କ ନେତୃତ୍ବରେ ନନ୍ଦପୁର, ସେମିଳିଗୁଡା ଦାମନଯୋଡି ଓ ଡିଭିଏଫ ମିଳିତ ଉଦ୍ୟମରେ ଟଙ୍କା ଲେଣଦେଣ ସମୟରେ ଚାରିଜଣଙ୍କୁ ଗିରଫ କରାଯାଇଛି। ଗିରଫ ଚାରିଜଣ କାଜଲ ମହାନନ୍ଦିଆ, ରବିନ୍ଦ୍ର ମହାନନ୍ଦିଆ, ଧିରେନ୍ଦ୍ର ମହାନନ୍ଦିଆ,ବାଦଲ ମହାନନ୍ଦିଆ। ଏମାନଙ୍କ ଠାରୁ ୫୦ହଜାର ନଗଦ ଟଙ୍କା, ଗୋଟିଏ ରଙ୍ଗ କପଡ଼ା ସହ ସ୍କୁଟି ଜବତ୍ କରି ଆଜି କୋର୍ଟ ଚାଲାଣ କରାଯାଇଥିବା କୋରାପୁଟ ଏସପି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।





