ନୟାଗଡ଼, (ବାଘୁଆବାର୍ତ୍ତା): ରକ୍ତ ଦେବା ଜୀବନ ବଞ୍ଚାଇବା । ରକ୍ତ ଦାନ ମହାପୁନ୍ୟ । ଏହି ନାରା ଦେଇ ଆଜି ନୟାଗଡ଼ ସାମ୍ବାଦିକ ଭବନ ପରିସରରେ ସ୍ୱେତ୍ସାକୃତ ରକ୍ତ ଦାନ ଶିବିର ଉଦଘାଟିତ ହୋଇଯାଇଛି । ନୟାଗଡ଼ ଜିଲ୍ଲା ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ ଓ ଆରକ୍ଷୀ ଅଧୀକ୍ଷକ ଅଲେଖ ଚନ୍ଦ୍ର ପହି ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି ।
ପ୍ରଥମ ରକ୍ତ ଦାତା ଭାବେ ସାମ୍ବାଦିକ ବିଭୁତି ଭୁଷଣ ସ୍ୱାଇଁ, ରୋଟାରିଆନ ପ୍ରସନ୍ନ କୁମାର ବସନ୍ତିଆ ଓ ଲକ୍ଷ୍ମୀଧର ସାହୁ ରକ୍ତ ଦାନ କରିଛନ୍ତି । ଅତିଥି ମାନେ ରକ୍ତ ଦାତାଙ୍କୁ ସାର୍ଟିଫିକେଟ ପ୍ରଦାନ କରିଛନ୍ତି । ଉକ୍ତ କାର୍ଯ୍ୟକ୍ରମରେ ସାମ୍ବାଦିକ ଭବନ ସଭାପତି ବୈଦ୍ୟଭୁଷଣ ମହାପାତ୍ର, ବାଘୁଆବାର୍ତ୍ତା ସମ୍ପାଦକ ସଞ୍ଜୟ କୁମାର ସ୍ୱାଇଁ, ସମାଜସେବୀ ଦାମୋଦର ସାହୁ, ସାମ୍ବାଦିକ ରାମକୃଷ୍ଣ ରଥ, ଶ୍ରୀକାନ୍ତ ଖଟ୍ଟେଇ, ପ୍ରମୋଦ ପଟ୍ଟନାୟକ, ଧୀରେନ୍ଦ୍ର ପଟ୍ଟନାୟକ, ନିହାର ରଞ୍ଜନ ପଟ୍ଟନାୟକ, ବିଭୁତି ଭୁଷଣ ସ୍ୱାଇଁ, ବିଶ୍ୱଜିତ ନାୟକ, ବିମଳ ପଟ୍ଟନାୟକ ଓ ରୋଟାରିଆନ ଆରିଫ ଖାଁ ପ୍ରମୁଖ ଉପସ୍ଥିତ ରହି ପରିଚାଳନା କରୁଛନ୍ତି ।
ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟର ଡ.ଅଜୟ କୁମାର ବାହିନପତି ଓ ଆୟୁଷ ଡାକ୍ତର ସଞ୍ଜୟ କୁମାର ଦାସ ପ୍ରମୁଖ ରକ୍ତଦାନ ଶିବିରକୁ ପରିଚାଳନା କରୁଛନ୍ତି । ନୟାଗଡ଼ ବ୍ଲଡ ବ୍ୟାଙ୍କ କାଉନସିଲର ଅଜୟ କୁମାର ପଟ୍ଟନାୟକ, ଏଲଟି ସରୋଜ କୁମାର ସାହୁ, ଅଭିମନ୍ୟୁ ସାହୁ, ସନାତନ ସୁନ୍ଦରାୟ ଓ ମାନସ ବେହେରା ପ୍ରମୁଖ ବ୍ଲଡ କ୍ୟାମ୍ପରେ ସହଯୋଗ କରୁଛନ୍ତି ।
