Friday, November 20, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ଚାକିରି ପ୍ରଲୋଭନ, ସାମ୍ବାଦିକ ପରିଚୟ ଦେଇ ବହୁ ଲୋକଙ୍କୁ ଚୁନ, ବାନ୍ଧିଲା ଇଓଡବ୍ଲ୍ୟୁ

by ସଞ୍ଜୟ ସ୍ୱାଇଁ
April 3, 2023
in Crime, State
ଚାକିରି ପ୍ରଲୋଭନ, ସାମ୍ବାଦିକ ପରିଚୟ ଦେଇ ବହୁ ଲୋକଙ୍କୁ ଚୁନ, ବାନ୍ଧିଲା ଇଓଡବ୍ଲ୍ୟୁ
311
VIEWS
Share on FacebookShare on Twitter

ଭୁବନେଶ୍ଵର, (ବାଘୁଆବାର୍ତ୍ତା): ଚାକିରି ଦେବା ନାଁରେ ୨ ଶହ ଲୋକଙ୍କୁ ଠକେଇ। ୨ ଅଭିଯୁକ୍ତଙ୍କୁ ବାନ୍ଧିଲା ଇଓଡବ୍ଲ୍ୟୁ। ଅଭିଯୁକ୍ତ ରାଜକିଶୋର ପଟ୍ଟନାୟକ ଏବଂ ଅରୁଣ ମହାନ୍ତି ଗିରଫ ହୋଇଛନ୍ତି। ସେମାନେ ନିଜକୁ ସାମ୍ବାଦିକ ପରିଚୟ ଦେଇ ବହୁ ସରକାରୀ ପଦ ପଦବୀରେ ଚାକିରି ଦେବାର ଲାଳସା ଦେଖାଇ ଯୁବକ ଯୁବତୀମାନଙ୍କୁ ଠକିଛନ୍ତି। ରାଜକିଶୋର ପଟ୍ଟନାୟକ ଏବଂ ଅରୁଣ ମହାନ୍ତି ଲୋକସେବା ଭବନ, ରାଜଭବନ, ଶିକ୍ଷା ବିଭାଗ, ଶକ୍ତି ବିଭାଗ, ଟ୍ରାଫିକ୍ ପୋଲିସ, ଅବକାରୀ ବିଭାଗ, କେନ୍ଦ୍ରୀୟ ବିଦ୍ୟାଳୟ, ଇନକମ ଟ୍ୟାକ୍ସ ବିଭାଗରେ ପିଅନ, କିରାଣୀ, ଆଗ୍ନିକ, ସୁରକ୍ଷା କର୍ମୀ ଚାକିରି ଦେବାକୁ କହି ଠକୁଥିଲେ। ଦୁଇ ଅଭିଯୁକ୍ତଙ୍କ ନିକଟରୁ ବହୁ ଫେକ୍ ସରକାରୀ ଡକ୍ୟୁମେଣ୍ଟ ଜବତ ହୋଇଛି। ଜାଲ୍ ନିଯୁକ୍ତି ପତ୍ର, ଲୋକସେବା ଭବନର ଜଏନିଂ ଲେଟର, ସିଲ୍, ବାୟୋଡାଟା, ମାର୍କ ସିଟ୍, ଏବଂ ଆବେଦନ ପତ୍ର ମଧ୍ୟ ଜବତ ହୋଇଛି। ରାଜକିଶୋର ପଟ୍ଟନାୟକ, ଅରୁଣ ମହାନ୍ତି ଏବଂ ଭବାନୀ ଶଙ୍କର ଦାସଙ୍କ ବିରୋଧରେ ଭୁବନେଶ୍ଵରର କୁମୁଦିନୀ ସାହୁ ନାମକ ଜଣେ ଯୁବତୀ ଅଭିଯୋଗ କରିଥିଲେ। ସେ ଅଭିଯୋଗ କରିଛନ୍ତି ଯେ, ଏହି ୩ ଜଣ ତାଙ୍କୁ ରାଜ୍ୟ ସରକାରଙ୍କ ନକଲି ନିଯୁକ୍ତିପତ୍ର, ଲୋଗୋ ଏବଂ ସିଲ୍ ଦେଖାଇ ଚାକିରି ଦେବାକୁ କହି ୮ ଲକ୍ଷ ୧୫ ହଜାର ଟଙ୍କାର ଠକେଇ କରିଛନ୍ତି। ରାଜକିଶୋର କୁମୁଦିନୀଙ୍କୁ ରାଜଭବନରେ କିରାଣୀ ଚାକିରି ଦେବାକୁ କହି ୬ ଲକ୍ଷ ଟଙ୍କା ମାଗିଥିଲେ। ଅଗ୍ରିମ ଭାବେ ୨ ଲକ୍ଷ ଟଙ୍କା ମଧ୍ୟ ନେଇଥିଲେ। ହେଲେ ଟଙ୍କା ପାଇସାରିବା ପରେ ଆଉ ଧରାଛୁଆଁ ଦେଇନଥିଲେ। ଏହାପରେ କୁମୁଦିନୀ ଅରୁଣ ମହାନ୍ତି ଏବଂ ଭବାନୀ ଶଙ୍କର ଦାସଙ୍କ ସମ୍ପର୍କରେ ଆସିଥିଲେ। ଅରୁଣ ମହାନ୍ତି ତାଙ୍କୁ ଏକ ସପ୍ତାହ ମଧ୍ୟରେ ଚାକିରି କରାଇ ଦେବେ ବୋଲି ପ୍ରତିଶୃତି ଦେଇ ୭ ଲକ୍ଷ ଟଙ୍କା ମାଗିଥିଲେ। କୁମୁଦିନୀ ଟଙ୍କା ମଧ୍ୟ ଦେଇଥିଲେ ହେଲେ ଚାକିରି ପାଇନଥିଲେ। ସେହିପରି ସ୍କୁଲରେ ପିଅନ ଚାକିରୀ ଦେବାକୁ କହି ସୁଶାନ୍ତ କୁମାର ମୁଦୁଲି ନାମକ ଜଣେ ଯୁବକଙ୍କ ଠାରୁ ଏମାନେ ୧ ଲକ୍ଷ ୫ ହଜାର ଟଙ୍କାର ଚୂନା ଲଗାଇଥିଲେ। ଖୋର୍ଦ୍ଧା କଲେକ୍ଟର ଅଫିସରେ ପିଅନ ଚାକିରୀ ଦେବାକୁ କହି ଦୀପକ କୁମାର ନାୟକଙ୍କ ଠାରୁ ୪ ଲକ୍ଷ ୫୦ ହଜାର ଟଙ୍କା ନେଇଥିଲେ। ରାଜଭବନରେ ପିଅନ ଚାକିରି ଦେବାକୁ କହି ଦିପୁ ବିଶ୍ଵାଳଙ୍କ ଠାରୁ ୨ ଲକ୍ଷ ଟଙ୍କାର ଚୂନା ଲଗାଇଥିଲେ। ଏହି ଠକମାନେ ଏହିଭଳି ଭାବେ ୨ ଶହରୁ ଉର୍ଦ୍ଧ୍ଵ ଲୋକଙ୍କୁ ଠକିଥିବା ତଦନ୍ତରୁ ଜଣାପଡିଥିଲା। ଏହାପରେ ପୋଲିସ ୨ ଅଭିଯୁକ୍ତଙ୍କୁ ଗିରଫ କରିଛି।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!