ନୟାଗଡ଼,(ବାଘୁଆବାର୍ତ୍ତା): କରୋନା ମହାମାରୀ ପାଇଁ ଲକ୍ଡାଉନ୍ ଚାଲିଥିବା ବେଳେ ରାଜ୍ୟ ସରକାରଙ୍କ ନିର୍ଦ୍ଦେଶରେ ଗୃହ ଓ ନଗର ଉନ୍ନୟନ ବିଭାଗ ସହରାଞ୍ଚଳ ଶ୍ରମିକଙ୍କୁ ଶ୍ରମ ଭିତ୍ତିକ କାର୍ଯ୍ୟ ଯୋଗାଇ ଦେବାକୁ ଘୋଷଣା କରିଛନ୍ତି । ଫଳରେ ନୟାଗଡ଼ ସହରାଂଚଳରେ ରହୁଥିବା ଶ୍ରମିକଙ୍କୁ କାମରେ ନିୟୋଜିତ କରିବା ପାଇଁ ଆଜି ପୈାର ପରିଷଦ ସ୍ୱତନ୍ତ୍ର ବୈଠକରେ ଶ୍ରମ ନିୟୋଜନ କମିଟି ଗଠିତ ହୋଇଯାଇଛି । ନୟାଗଡ଼ ସହରରେ ଆସନ୍ତା ୨୦ ତାରିଖରୁ ଏହି କମିଟି ଶ୍ରମିକମାନଙ୍କୁ ବିଭିନ୍ନ କାର୍ଯ୍ୟରେ ନିୟୋଜିତ କରିବା ସହା ପାରିଶ୍ରମିକ ପ୍ରଦାନ କରିବା ଆଦି କାର୍ଯ୍ୟ କରିବେ ବୋଲି ସୂଚନା ମିଳିଛି । ପୈାର ନିର୍ବାହୀ ଅଧିକାରୀ ସନ୍ତୋଷ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପୈାରଯନ୍ତ୍ରୀ ବାଇଧର ରାଉତ, କନିଷ୍ଠଯନ୍ତ୍ରୀ ସନାତନ ବରାଳ, ବିଭୂପ୍ରସାଦ, ଅଙ୍ଗନୱାଡ଼ି ସୁପରଭାଇଜର୍ଙ୍କ ସମତେ ପୈାର ପରିଷଦ କର୍ମଚାରୀମାନେ ଉପସ୍ଥିତ ରହିଥିବା ନେଇ ପୈାର ସୂଚନା ଓ ଲୋକ ସଂମ୍ପର୍କ ଅଧିକାରୀ ଗଜେନ୍ଦ୍ର ମହାରଣା ସୂଚନା ଦେଇଛନ୍ତି ।
