ନୟାଗଡ଼,(ବାଘୁଆବାର୍ତ୍ତା): କାଳବୈଶାଖୀର ପ୍ରଭାବରେ ଖଣ୍ଡପଡ଼ା ବ୍ଳକ ଅଂଚଳର ବିଭିନ୍ନ ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାଯାଇଛି । ଅନେକ ଗ୍ରାମରେ କଚ୍ଚାଘର ଭାଙ୍ଗି ଯାଇଥିବା ବେଳେ ଚାଳ, ଟିଣ ଓ ଆଜବେଷ୍ଟସ ଛପର ଘର କ୍ଷତିଗ୍ରସ୍ତ ହେବା ହୋଇଛି । ବର୍ଷା ଓ ପବନର ପ୍ରଭାବରେ ରାସ୍ତା ପାଶ୍ୱର୍ ଗଛର ଡ଼ାଳ ଭାଙ୍ଗି ପଡ଼ିବାରୁ ଖଣ୍ଡପଡା-କଂଟିଲୋ ଓ ଖଳିସାହି- ଆଡକଟା ରାସ୍ତାରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିବା ଜଣାଯାଇଛି । ମୁଖ୍ୟ ରାସ୍ତା ଉପରେ ପଡ଼ି ରହିଥିବା ଗଛଡାଳ ଗୁଡ଼ିକୁ ହଟାଇ ଦେବା ନିମନ୍ତେ ସ୍ଥାନୀୟ ବାସିନ୍ଦା ଲାଗି ପଡ଼ିଛନ୍ତି । କାଳବୈଶାଖୀ ଯୋଗୁଁ ଆମ୍ବ ଚାଷୀମାନେ କ୍ଷତିଗ୍ରସ୍ତ ହୋଇଛନ୍ତି । ଚଳିତ ବର୍ଷ ଆମ୍ବ ଫସଲ ସେତେଟା ଭଲ ନଥିବା ବେଳେ ବର୍ଷା ଓ ପବନର ପ୍ରଭାବରେ ଗଛରୁ ଆମ୍ବଗୁଡିକ ଖସିପଡି ନଷ୍ଟ ହୋଇଥିବା ଅନେକ ଆମ୍ବଚାଷୀଙ୍କ ଠାରୁ ସୂଚନା ମିଳିଛି । ବିଭିନ୍ନ ସ୍ଥାନରେ ଉଚ୍ଚ ଶକ୍ତି ସମ୍ପର୍ଣ୍ଣ ବିଦ୍ୟୁତ ତାର ଉପରେ ଗଛ ଡାଳ ଭାଙ୍ଗି ପଡ଼ିବା ଯୋଗୁଁ ବିଦ୍ୟୁତ ସରବରାହ ବ୍ୟାହାତ ହୋଇଛି । ଅଚଂଳବାସୀଙ୍କୁ ବିଦ୍ୟୁତ ସେବା ଯୋଗାଇଦେବା ନିମନ୍ତେ ଫେଡ୍କୋ ଓ ସେସୁ କର୍ତୁପକ୍ଷ ଲାଗିପଡିଥିବା ବିଭାଗୀୟ କାର୍ଯ୍ୟାଳୟ ସୂତ୍ରରୁ ଜଣାପଡିଛି ।
