ଭଦ୍ରକ, (ବାଘୁଆବାର୍ତ୍ତା): ଅବକାରୀ ନିରୀକ୍ଷକଙ୍କ ସୁଶ୍ରୀ ସଂଗୀତା ମହାନ୍ତିଙ୍କ ନେତୃତ୍ବରେ ଭଦ୍ରକ ଜିଲ୍ଲାର ଭ୍ରାମ୍ୟମାଣ ସ୍କାଡ଼ ଦ୍ବାରା ଗତ ୫ ଓ ୬ ତାରିଖରେ କରାଯାଇଥିବା ଅବକାରୀ ଧରପଗଡ଼ରେ ୬ ଜଣ ଟେରା ବେପାରୀଙ୍କୁ ଗିରଫ କରାଯାଇ କୋର୍ଟ ଫରୱାର୍ଡ଼ କରାଯିବା ସହିତ ହେରୋଇନ୍, ଗେରାରନ୍ଧା ଦେଶୀମଦ ଓ ସ୍କୁଟି ଜବଦ କରାଯାଇଛି । ୫ ତାରିଖ ରବିବାର ଦିନ ଭଦ୍ରକ ଗ୍ରାମାଞ୍ଚଳଥାନା ଅନ୍ତର୍ଗତ ସରମଙ୍ଗା, ଓଲଙ୍ଗ, ଚଢ଼େୟା, କାଉପୁର ଏବଂ ବରପଦା ଅଞ୍ଚଳରେ ଚଢ଼ଉ କରାଯାଇ ଗୋଟିଏ ସ୍କୁଟି ଏବଂ ୧୦୫ ଲିଟର ଚୋରା ରନ୍ଧା ଦେଶୀ ମଦ ଜବଦ କରାଯାଇ ୩ଟି ମୋକଦ୍ଦମା ପଞ୍ଜିକୃତ ମୂଳେ ସଂପୃକ୍ତ ୩ ଜଣ ଚୋରା ବେପାରୀଙ୍କୁ ଗିରଫ କରାଯାଇଥିଲା । ସେହିପରି ୬ ତାରିଖ ସୋମବାର ଦିନ ଭଦ୍ରକ ଗ୍ରାମାଞ୍ଚଳ ଥାନାର ରାନ୍ଦିଆ, ଡଙ୍କଗଡ଼ିଆ, ଓଲଙ୍ଗ, ବରପଦା ଅଞ୍ଚଳରେ ଚଢ଼ଉ କରାଯାଇ ୧୫ ଗ୍ରାମ୍ ଓଜନର ହେରୋଇନ୍ ଜବତ କରାଯାଇ ଏନ୍ଡ଼ିପିଏସ୍ ଆଇନ୍ ବଳରେ ଜଣକୁ ଓ ୮୦ ଲିଟର ଟେରା ରନ୍ଧା ଦେଶୀମଦ ଜବତ କରି ୨ଟି ମୋକଦ୍ଦମା ପଞ୍ଜିକରଣ କରାଯାଇ ୨ ଜଣଙ୍କୁ ଗିରଫ କରାଯାଇ କୋର୍ଟ ଫରୱାର୍ଡ଼ କରାଯାଇଛି ।





