ନୟାଗଡ଼,(ବାଘୁଆବାର୍ତ୍ତା): କରୋନା ସଂକ୍ରମିତ ସଚେତନତା ସମୟରେ ଦଶପଲ୍ଲା ବ୍ଲକ ଅନ୍ତର୍ଗତ ନୂଆଗାଁ ପଂଚାୟତର ଗେନେଗେଣ୍ଡା ଗ୍ରାମରେ କାର୍ଯ୍ୟରତ ଆଶା କର୍ମି ମାଧୁରୀ ନାୟକଙ୍କ ଉପରକୁ ତତଲା ପେଜ ଢାଳିବା ଘଟଣାରେ ମୁଖ୍ୟ ଅଭିଯୁକ୍ତ ମନୁ ନାୟକଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ଆଶାକର୍ମି ମାଧୁରୀ କରୋନା ସଂକ୍ରମଣ ସମ୍ପର୍କରେ ଗ୍ରାମରେ ଲୋକଙ୍କୁ ସଚେତନତା କରିବା ପାଇଁ ଯାଇଥିବା ବେଳେ ପୂର୍ବ ଶତୃତାକୁ କେନ୍ଦ୍ର କରି ମନୁଙ୍କ ସହ ପାଟିତୁଣ୍ଡ ହୋଇଥିଲା । ଏଥିରେ ଉତ୍କ୍ଷିପ୍ତ ହୋଇ ମନୁ ତାଙ୍କ ଉପରକୁ ତତଲା ପେଜ ଢାଳି ଦେଇଥିଲେ । ମନୁଙ୍କୁ ଗିରଫ କରି କୋର୍ଟ ଚାଲାଣ କରାଯାଇ ଥିବା ବେଳେ ଏହାର ତଦନ୍ତ ଚାଲିଥିବା ବାଣିଗୋଛା ଥାନା ଅଧିକାରୀ ପୂର୍ଣ୍ଣଚନ୍ଦ୍ର ପଟ୍ଟାୟତ କହିଛନ୍ତି । ଏପଟେ ସଂପୃକ୍ତ ଆଶାକର୍ମିଙ୍କୁ ନୟାଗଡ ଜିଲ୍ଲା ସ୍ୱାସ୍ଥ୍ୟକେନ୍ଦ୍ରରେ ଗୁରୁତର ଅବସ୍ଥାରେ ଚିକିତ୍ସ କରାଯାଉଥିବା ଜଣାପଡିଛି । ସଂପୃକ୍ତ ଆସାମୀ ଜେଲ୍ ହାଜତରେ ଅଛନ୍ତି ।
