ବନ୍ଧଗାଁ ପ୍ରୀମୀୟର ଲିଗ୍ ସିଜିନ ୪ କ୍ରିକେଟ ଟୁର୍ଣ୍ଣାମେଣ୍ଟର ଶୁଭ ଉଦ୍ଘାଟନ

ଭଦ୍ରକ, (ବାଘୁଆବାର୍ତ୍ତା): ଗ୍ରାମାଞ୍ଚଳର ବହୁ ଯୁବ ପ୍ରତିଭାଙ୍କୁ ନେଇ ଆରମ୍ଭ ହୋଇଛି ଏକ କ୍ରିକେଟ ଟୁର୍ଣ୍ଣାମେଣ୍ଟ ବନ୍ଧଗାଁ ପ୍ରମୀୟର ଲିଗ୍ BPL- ସିଯିନ ୪। ତେବେ ଭଦ୍ରକ ବ୍ଲକ ଅନ୍ତର୍ଗତ ବନ୍ଧଗାଁ ପଡ଼ିଆରେ କିଛି ଯୁବକଙ୍କ ନେତୃତ୍ୱରେ ଆରମ୍ଭ ହୋଇଛି ଏହି କ୍ରିକେଟ ଟୁର୍ଣ୍ଣାମେଣ୍ଟ। ଆଜି ଏହି ଉଦ୍ଘାଟନ ଉତ୍ସବରେ ମୁଖ୍ୟ ଅତିଥି ଭାବେ ସମାଜ ସେବୀ ତଥା ରେସି କନଭେଣ୍ଟ ସ୍କୁଲର ମୁଖ୍ୟ ପରିଚାଳକ ଅଶୋକ ନାୟକ ଯୋଗ ଦେଇଥିଲେ। କ୍ରିକେଟ ମ୍ୟାଚ୍ କୁ ଫିତା କାଟି ଉଦ୍ଘାଟନ କରିଥିଲେ ଉକ୍ତ ପଞ୍ଚାୟତର ସରପଞ୍ଚ ନିରୋଦ ଚନ୍ଦ୍ର ରାଉତ ମହୋଦୟ। ଏଥିସହ ପଞ୍ଚାୟତ ସମିତି ସଭ୍ୟ ଚନ୍ଦ୍ରକାନ୍ତ ମହାପାତ୍ର ଏବଂ ପୂର୍ବତନ ସରପଞ୍ଚ ତଥା ଆମ ଆମ୍ୱରୋଲି ପଞ୍ଚାୟତ ସୋଷାଇଟିର ସଭାପତି ଚିତ୍ତରଞ୍ଜନ ରାଉତ ଉପସ୍ଥିତ ଥିଲେ। କ୍ରିକେଟ ଟୁର୍ଣ୍ଣାମେଣ୍ଟ ଟିକୁ ଉକ୍ତ ଗ୍ରାମର ବିଦ୍ୟାଧର ମହାରଣା,ଅମୂଲ୍ୟ ରାଉତ, ଭରତ ମଲ୍ଲିକ,ରବୀନ୍ଦ୍ର ପାଣିଗ୍ରାହୀ,ଲକ୍ଷ୍ମୀଧର ଦାସ,କେଦାର ବେହେରା ଏବଂ ରାଜେଶ ସେଠୀଙ୍କ ସହ ଅନେକ ଯୁବକ ଏହି ଆୟୋଜନର ମୁଖ୍ୟ ଭୂମିକା ଗ୍ରହଣ କରିଛନ୍ତି।