ନୟାଗଡ଼,(ବାଘୁଆବାର୍ତ୍ତା): ସମଗ୍ର ଅଂଚଳରେ କରୋନା ଭୂତାଣୁ ସଂକ୍ରମଣକୁ ନେଇ ଲକ୍ଡାଉନ୍ ବ୍ୟବସ୍ଥା ବଳବତ୍ତର ରହିଥିବା ବେଳେ ଖଣ୍ଡପଡା ସହରରେ ଏହି ନିୟମର ମାନେ ନଥିବା ପରି ଜଣାପଡୁଛି । ଦୋକାନ, ବଜାର ଠାରୁ ଆରମ୍ଭ କରି ବ୍ୟାଙ୍କ ସମ୍ମୁଖରେ ଜନସାଧାରଣଙ୍କ ଭିଡ଼ ପରିଲକ୍ଷିତ ହେଉଛି । ସାମାଜିକ ଦୁରତ୍ୱ ନିୟମକୁ କେହି ମାନୁ ନାହାନ୍ତି । କୈାଣସି କାମ ନଥାଇ ବିନା ମାସ୍କରେ ଜନସାଧାରଣ ଏଣେତେଣେ ଚଲାବୁଲା କରୁଛନ୍ତି । ଖଣ୍ଡପଡ଼ା ଥାନାଠାରୁ ମାତ୍ର ୫୦ମିଟର ଦୂରତାରେ ଥିବା ଚନ୍ଦନ ବଜାରରେ ମଧ୍ୟ ଜନସାଧାରଣଙ୍କ ଭିଡ଼ ପରିଲକ୍ଷିତ ହେଉଛି । ୨୦ ତାରିଖ ପରଠାରୁ ଲକଡାଉନ କଟକଣା କୋହଳ ହୋଇଯାଇଛି, ତେଣୁ ଆଉ ଚଲାବୁଲା କଲେ କିଛି ଅସୁବିଧା ନାହିଁ ବୋଲି ଏବେ ସବୁଠି ଆଲୋଚନା ହେଉଛି । ନୟାଗଡ ଜିଲ୍ଲାପାଳ ଓ ଏସ୍୍ପି ଏଥି ପ୍ରତି ଦୃଷ୍ଟି ଦେବାକୁ ଦାବିହେଉଛି ।
