ନୁଆଦିଲ୍ଲୀ, (ବାଘୁଆବାର୍ତ୍ତା): ପାକିସ୍ତାନରେ ଆର୍ଥିକ ଅବସ୍ଥା ଦିନକ ପରେ ଦିନ ଅତ୍ୟନ୍ତ ଦୟନୀୟ ଅବସ୍ଥାରେ ପହଂଚି ସାରିଲାଣି । ପାକିସ୍ତାନର ବିଦେଶୀ ମୁଦ୍ରା ଭଣ୍ଡାରର ସ୍ଥିତି ସର୍ବ ନିମ୍ନ ସ୍ତରକୁ ପହଂଚି ସାରିଛି । ଏହି କାରଣରୁ ପାକିସ୍ତାନରେ ଔଷଧ ମଧ୍ୟ ଉପଲବ୍ଧ ହେଉ ନାହିଁ । ପାକିସ୍ତାନର ଲୋକ ମାନଙ୍କର ସବୁଠାରୁ ବଡ ସମସ୍ୟା ହେଲା ଯେ ସେଠାରେ ବର୍ତମାନ ଲାଇଫ ସେଭିଂ ଡ୍ରଗ୍ସ ଅର୍ଥାତ ଜୀବନ ରକ୍ଷକ ଔଷଧ ମଧ୍ୟ ପାକିସ୍ତାନରେ ନାହିଁ । ଯଦି ସରଳ ଅର୍ଥରେ ବୁଝିବା ତେବେ ଡାଇବେଟିସର ରୋଗୀ ମାନଙ୍କ ପାଇଁ ପାକିସ୍ତାନରେ ଇନସୁଲିନ ମିଳିବା କଷ୍ଟକର ହୋଇଯାଇଛି । ପାକିସ୍ତାନୀ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ ପାକିସ୍ତାନର ରାଜକୋଷରେ ବର୍ତମାନ ମାତ୍ର ୬.୭ ବିଲିୟନ ଡଲାରର ବିଦେଶୀ ମୁଦ୍ରା ରହିଛି । ଏହି ମୁଦ୍ରାକୁ ପାକିସ୍ତାନ ବ୍ୟବହାର କରି ପାରିବ ନାହିଁ, କାରଣ ଅନ୍ୟ ଦେଶ ମାନେ ଏହାକୁ ଗାରଂଟୀ ଡିପୋଜିଟ କରାଇଛନ୍ତି । ଏହି କାରଣରୁ ପାକିସ୍ତାନ ଭାରତ ସମେତ ଅନ୍ୟ ଦେଶ ମାନଙ୍କରୁ ର ମେଟରିଆଲ କିମ୍ବା ରେଡିମେଡ ମେଡିସିନ କିଣି ପାରୁ ନାହିଁ । ପାକିସ୍ତାନରେ ଯେତେ ମାତ୍ରାରେ ଔଷଧ ରହିଛି ସେଗୁଡିକର କଳବଜାରୀ ଆରମ୍ଭ ହୋଇ ଗଲାଣି । ୪୦ ଟଙ୍କାର ଟ୍ୟାବଲେଟ ଷ୍ଟ୍ରିପ ଏବେ ଦୁଇ ଗୁଣା ମୂଲ୍ୟରେ ବ୍ଲାକରେ ବିକ୍ରି ହେଉଛି । ଫାର୍ମା ସେକ୍ଟର ସହିତ ଜଡିତ ଲୋକ ମାନଙ୍କ କହିବା ଅନୁସାରେ ଯଦି ଶୀଘ୍ର ଔଷଧ ଆମଦାନୀ କରା ନ ଯାଏ ତେବେ ପାକିସ୍ତାନରେ ଖୁବ କମ ଦିନ ମଧ୍ୟରେ ଭୟଙ୍କର ସ୍ଥିତି ଉତ୍ପନ୍ନ ହେବ । ପାକିସ୍ତାନୀ ଦୈନିକ ସମ୍ବାଦପତ୍ର ଡେଲି ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ଫାର୍ମାସିଟିକାଲ କମ୍ପାନୀ ମାନେ ମଧ୍ୟ ଔଷଦ ଗୁଡିକର ମୂଲ୍ୟ ବଢାଇ ଦେଇଛନ୍ତି । ଏହାର କାରଣ ହେଲା ଯେ ପାକିସ୍ତାନରେ ଖୁବ ମାତ୍ରାରେ ଔଷଧ ତିଆରି ହୋଇଥାଏ । ଏହି ଔଷଧ ଗୁଡିକର କଂଚାମାଲ ମଧ୍ୟ ଭାରତ, ଚୀନ ଓ ଆମେରିକାରୁ ଆସିଥାଏ । ସରକାରଙ୍କ ରାଜକୋଷ ଖାଲି ଥିବା କାରଣରୁ ଆମଦାନୀ ପାଉଁ କୋଷ ବା ଲାଇନ ଅଫ କ୍ରେ଼ଡିଟ ମଧ୍ୟ ମିଳି ପାରୁ ନାହିଁ। ତେଣୁ ଔଷଧ ଗୁଡିକର ଅଭାବ କ୍ଷୀପ୍ର ଗତିରେ ବଢିବାରେ ଲାଗିଛି । ରିପୋର୍ଟରେ ଆହୁରି କୁହାଯାଇଛି ଯେ କଳାବଜାରୀ କାରଣରୁ ଆହୁରି ସ୍ଥିତି ସଂଗୀନ ହୋଇଯାଇଛି । ଅନେକ କମ୍ପାନୀ ଅଧିକ ମୁନାଫା କମାଇବା ପାଇଁ ମେଡିସିନକୁ ଷ୍ଟକ କରି ରଖୁଛନ୍ତି । ଏହା ଦ୍ୱାରା ସାଧାରଣ ଲୋକ ମାନଙ୍କ ମିଳି ପାରୁ ନାହିଁ । ଏହି ରିପୋର୍ଟରେ ଆହୁରି କୁହାଯାଇଛି ଯେ ଅନେକ ବିଦେଶୀ ଫାର୍ମାସିଟିକାଲ କମ୍ପାନୀ ପାକିସ୍ତାନ ଛାଡି ସାରିଛନ୍ତି ଓ ଅନ୍ୟ କିଛି ଛାଡି ଚାଲିଯିବାକୁ ପ୍ରସ୍ତୁତି ଚଳାଇଛନ୍ତି । ଏହା ଦ୍ୱାରା ପାକିସ୍ତାନରେ ସ୍ଥିତି ଆହୁରି ଖରାପ ହେଉଥିବା ରିପୋର୍ଟରେ ଦର୍ଶାଯାଇଛି ।
