ନୟାଗଡ଼,(ବାଘୁଆବାର୍ତ୍ତା): ନୟାଗଡ ସହରରେ ନିଶା କାରବାର ଦିନକୁ ଦିନକୁ ଦିନ ବଢ଼ିବାରେ ଲାଗିଛି । ବିଭିନ୍ନ ସମୟରେ ଏ ସମ୍ବନ୍ଧରେ ଖବର ପ୍ରକାଶ ପାଇ ଆସୁଅଛି । ଯାହାକୁ ନେଇ ନୟାଗଡ଼ ଟାଉନ୍ ଥାନା ପକ୍ଷରୁ ଚଢ଼ାଉ କରାଯାଇ ସିନ୍ଦୁରିଆ ବଡ଼ ମସ୍ଜିଦ୍ ସାହିର ଫିରୋଜ୍ ମଲ୍ଲିକଙ୍କ ଘରେ ଚଢାଉ କରାଯାଇ ବ୍ରାଉନ୍ ସୁଗାର ଜବତ କରାଯାଇଛି । ବ୍ରାଉନ୍ ସୁଗାର ପାଇଁ ଆସିଥିବା ନୟାଗଡ଼ ନିକଟସ୍ଥ ଧବଳେଇ ଗ୍ରାମର ଉମାକାନ୍ତ ନାୟକଙ୍କୁ ପୁଲିସ ଅଟକାଇ ରଖିଛି । ନୟାଗଡ ଟାଉନ୍ ଥାନା ପକ୍ଷରୁ ୬୯/୨୦ରେ ମାମଲା ରୁଜୁ କରାଯାଇ ଫିରୋଜ ମଲ୍ଲିକ ଏବଂ ଉମାକାନ୍ତ ନାୟକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
