ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବ୍ଲକ ଅନ୍ତର୍ଗତ ମାଛିପଡ଼ା ଖେଳ ପଡିଆରେ ଆରମ୍ଭ ହୋଇଛି କ୍ରିକେଟ କପ । ଆଜି ଉଦଘାଟନି ଉତ୍ସବରେ ମୁଖ୍ୟ ଅତିଥି ଭାବେ ନୟାଗଡ଼ କେନ୍ଦ୍ର ସମବାୟ ବ୍ୟାଙ୍କ ସଭାପତି ରବିନ୍ଦ୍ର ନାଥ ସାହୁ ଯୋଗ ଦେଇଥିଲେ । ଅନ୍ୟତମ ସମ୍ମାନିତ ଅତିଥି ଭାବେ ନୟାଗଡ଼ ନିର୍ବାଚନ ମଣ୍ଡଳୀ ବିଜୁ ଜନତା ଦଳ ସଭାପତି ଗଙ୍ଗାଧର ପଣ୍ଡା, ଜିଲ୍ଲା ପରିଷଦ କ୍ଷୀରୋଦ ମହାପାତ୍ର ଓ ନୟାଗଡ଼ ବ୍ଲକ ଯୁବ ବିଜେଡି ସଭାପତି ତଥା ବ୍ୟାଙ୍କ ଡାଇରେକ୍ଟର ଦୁର୍ଯ୍ୟୋଧନ ବେହେରା ପ୍ରମୁଖ ସାମିଲ ହୋଇଥିଲେ । ମାଛିପଡ଼ା କ୍ରିକେଟ କପରେ ୧୬ ଗୋଟି ଦଳ ଅଂଶଗ୍ରହଣ କରିଛନ୍ତି ।
ଆଜି ଉଦଘାଟନି ମ୍ୟାଚରେ ୪ ଗୋଟି ଦଳ ଅଂଶ ଗ୍ରହଣ କରିଥିଲେ । ପ୍ରଥମ ମ୍ୟାଚରେ ରଙ୍ଗଣିପାଟଣା କ୍ରିକେଟ କ୍ଲବ ବନାମ ଶିଖରପୁର ମଧ୍ୟରେ ଅନୁଷ୍ଠିତ ହୋଇଥିଲା । ରଙ୍ଗଣିପାଟଣା ୧୨ ଓଭରରେ ୧୩୨ ରନ କରିଥିବାବେଳେ ଶିଖରପୁର ୧୩୩ ରନ କରି ବିଜୟ ଲାଭ କରିଥିଲା । ସେହିପରି ଦ୍ୱିତୀୟ ମ୍ୟାଚରେ ବଡ଼ଗୋରଡା ପ୍ରଥମେ ବ୍ୟାଟିଙ୍ଗ କରି ୮୭ ରନ୍ କରିଥିଲା । ଏହାର ଜବାବରେ କୁଟୁଣୀ କ୍ରିକେଟ ଆଶୋସିଏସନ ନିର୍ଦ୍ଧାରିତ ୨ ଓଭର ପୂର୍ବରୁ ୮୮ ରନ କରି ବିଜୟ ଲାଭ କରିଥିଲା । ଉକ୍ତ ମ୍ୟାଚକୁ ବ୍ରଜେନ୍ଦ୍ର ପଣ୍ଡା ଓ ନସିର ଅହମଦ ପରିଚାଳନା କରିଥିଲେ । ମାଛିପଡ଼ା କ୍ରିକେଟ କ୍ଲବର ସଭାପତି ଚନ୍ଦ୍ରମଣି ସାହୁଙ୍କ ସମେତ ସମସ୍ତ କ୍ଲବର କର୍ମକର୍ତ୍ତାମାନେ ଉପସ୍ଥିତ ରହିଥିଲେ ।
