ପୈାର ପରିଷଦ ଅଧିନସ୍ଥ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସମୀକ୍ଷା
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ଆଜି ନୟାଗଡ଼ ପୈାର ପରିଷଦ ଅଧିନସ୍ଥ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି । ବିଧାୟକଙ୍କ ସହ ନୟାଗଡ଼ ଜିଲ୍ଲାପାଳ ରବୀନ୍ଦ୍ର ନାଥ ସାହୁ, ଜିଲ୍ଲା ପରିଷଦ ଅଧ୍ୟକ୍ଷ ଇଂ. ଦେବାଶିଷ ପଟ୍ଟନାୟକ, ପୈାର ପରିଷଦ ଅଧ୍ୟକ୍ଷା ନିରୂପମା ଖଟେଇ, ପୈାର ପରିଷଦ ନିର୍ବାହୀ ଅଧିକାରୀ ସ୍ୱାତୀ ମିଶ୍ର, ବିଜେଡି ନେତା ଶ୍ରୀକାନ୍ତ ଖଟେଇ ପ୍ରମୂଖ, ପୈାର ପରିଷଦ ଉପାଧ୍ୟକ୍ଷ ଗୁରୁପ୍ରସାଦ ଜେନା ପ୍ରମୂଖ ଗସ୍ତ କରିଥିଲେ ।
ନୟାଗଡ଼ ସଦରଥାନା ନିକଟସ୍ଥ ନୂଆ ବସଷ୍ଟାଣ୍ଡ, ଆଦର୍ଶ ସ୍ମଶାନ, ଲେଖନପୁର-ଡିଆରଡିଏ ରାସ୍ତାରେ ନିର୍ମାଣ ହେବାକୁ ଥିବା ଗାଡ଼ି ପାର୍କିଂ ସ୍ଥାନ, ପୁରୁଣାସହର ୬ ନଂ ୱାର୍ଡ଼ରେ ନିର୍ମାଣ ହେବାକୁ ଥିବା କଲ୍ୟାଣ ମଣ୍ଡପ କାର୍ଯ୍ୟର ସମୀକ୍ଷା କରିଛନ୍ତି । ଟାଉନହଲକୁ ନବୀକରଣ କରାଯାଇ ଜିଲ୍ଲା ପାଠାଗାର ନିର୍ମାଣର ତଦାରଖ କରିଛନ୍ତି । ଦକ୍ଷିଣକାଳୀ ପଡ଼ିଆରେ ନିର୍ମାଣ ହେବାକୁ ଥିବା ମୁକ୍ତ ବାୟାମାଶାଳା ନିର୍ମାଣ ପାଇଁ ଯୋଜନା ରହିଥିବା ବେଳେ ଏହାର ସ୍ଥାନ ନିରୂପଣ ଏବଂ ଆନୁସଙ୍ଗୀକ ବ୍ୟବସ୍ଥା ତଦାରଖ କରିଛନ୍ତି । ସେହିଭଳି ଭାବେ ଦୁର୍ଗାମଣ୍ଡପଠାରେ ପୁରୁଣା ଜେଲ ଜମି ବୁଲି ଦେଖିବା ସହ ଆଖପାଖରେ ନିର୍ମାଣ ହେବାକୁ ଥିବା ଉନ୍ନୟନ ମୂଳକ କାର୍ଯ୍ୟର ତଦାରଖ କରିଛନ୍ତି । ଅଡିଟୋରିୟମ ପାଇଁ ୨ କୋଟି ଟଙ୍କାର ଅନୁଦାନ ରହିଥିବା ବେଳେ ଖୁବଶୀଘ୍ର ଏହା ନୂଆରୂପ ପାଇବ ବୋଲି ଜଣାଯାଇଛି ।
ଆଜି ବିଧାୟକ ଏବଂ ଜିଲ୍ଲାପାଳ ଏହାର ତଦାରଖ କରିଛନ୍ତି । ସେହିଭଳି ଭାବେ ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ନିକଟରେ ନିର୍ମାଣଧିନ ରହିଥିବା ଅତ୍ୟାଧୁନିକ ମାଛ ମାର୍କେଟ ନିର୍ମାଣର ତଦାରଖ କରିବା ସହ ଏହାକୁ ତୁରନ୍ତ ଶେଷ କରିବାକୁ ପରାମର୍ଶ ଦେଇଛନ୍ତି । ଶେଷରେ ବଲାଙ୍ଗ ପାର୍କ ପରିଦର୍ଶନ କରିବା ସହ ନିର୍ମାଣ ଧିନ ଅବସ୍ଥାରେ ଥିବା କାର୍ଯ୍ୟର ତଦାରଖ କରିଛନ୍ତି । ବିଧାୟକଙ୍କ ଉନ୍ନୟନ ମୂଳକ କାର୍ଯ୍ୟ ସମୀକ୍ଷା ବେଳେ ସମସ୍ତ କାଉନସିଲର ଏବଂ ଅନେକ ସରକାରୀ କର୍ମଚାରୀ ଉପସ୍ଥିତ ରହିଥିବା ଦେଖାଯାଇଛି । ଏହା ସହିତ ନୟାଗଡ଼ ଖେଳପଡ଼ିଆ ଉନ୍ନୟନ କାର୍ଯ୍ୟର ତଦାରଖ କରାଯାଇଥିବା ଦେଖାଯାଇଛି ।
