ଭୁବନେଶ୍ୱର, (ବାଘୁଆବାର୍ତ୍ତା): ଲେଡି ବ୍ଲାକମେଲର ଅର୍ଚ୍ଚନା ନାଗ ଗିରଫ ଘଟଣା । ସୋମବାର ସରୁଛି ଅର୍ଚ୍ଚନାଙ୍କ ED ରିମାଣ୍ଡ । ଆଗକୁ ଅଧିକ ଦିନ ରିମାଣ୍ଡ ପାଇଁ ଇଡି ଆବେଦନ କରିବ କି ନାହିଁ । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ତେବେ ଗତ ୬ ଦିନ ଭିତରେ ଅର୍ଚ୍ଚନା ନାଗ କୌଣସି ତଥ୍ୟ ED ଆଗରେ ପ୍ରକାଶ କରିନଥିବା ସୂଚନା ମିଳିଛି । ଯେଉଁ ଦିନ କୋର୍ଟରୁ ଅର୍ଚ୍ଚନାଙ୍କୁ ED ଆଣିଥିଲା ସେହି ଦିନ ୩୦ ମିନିଟ ଭିତରେ ମୁଖା ଖୋଲିବେ ବୋଲି ଅର୍ଚ୍ଚନା ଗଣମାଧ୍ୟମ ଆଗରେ କହିଥିଲେ। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ସେମିତି କୌଣସି ତଥ୍ୟ ପ୍ରବର୍ତ୍ତନ ନିର୍ଦ୍ଦେଶାଳୟକୁ ଦେଇନାହାନ୍ତି ଅର୍ଚ୍ଚନା । ତେବେ ଅର୍ଚ୍ଚନା ତାଙ୍କ ଗାଁରେ ଜମି ବିକ୍ରି କରି ସେ କୋଟିପତି ପାଲଟିଥିବା କହିଛନ୍ତି। ଯାହାକୁ ED ବିଶ୍ବାସ କରିପାରୁନି। ସେପଟେ ଜଗବନ୍ଧୁଙ୍କୁ ଆଜି କୋର୍ଟରେ ହାଜର କରାଯିବାକୁ ଥିବାବେଳେ ହାଜର ପରେ ଜଗବନ୍ଧୁଙ୍କୁ ରିମାଣ୍ଡରେ ନେଇପାରେ ED।





