ନୟାଗଡ଼, (ବାଘୁଆବାର୍ତ୍ତା): ଆଜି ନୟାଗଡ଼ ସ୍ୱୟଂଶାସିତ ମହାବିଦ୍ୟାଳୟ ଖେଳ ପଡିଆରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଶାସନିକ ଏକାଦଶ ବନାମ ରାଜନୈତିକ ଏକାଦଶ ମଧ୍ୟରେ ଏକ ସଂଘର୍ଷପୂର୍ଣ୍ଣ ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଶାସନିକ ଏକାଦଶ ପ୍ରଥମେ ବ୍ୟାଟିଂ କରି ୧୫ ଓଭରରେ ୫ ଗୋଟି ୱିକେଟ ହରାଇ ୮୬ ରନ କରିଥିଲେ । ରାଜନୈତିକ ଏକାଦଶ ନିର୍ଦ୍ଧାରିତ ୧୫ ଓଭରରେ ୨ ୱିକେଟ ହରାଇ ୯୧ ରନ କରି ବିଜୟ ଲାଭ କରିଥିଲା । ପ୍ରଶାସନିକ ଏକାଦଶ ପକ୍ଷରୁ କ୍ୟାପଟେନ ମଙ୍ଗ ସମ୍ଭାଳିଥିଲେ ନୟାଗଡ଼ ତହସିଲଦାର ଭିକାରି ସାହୁ ଅନ୍ୟ ପକ୍ଷରେ ରାଜନୈତିକ ଏକାଦଶର ମଙ୍ଗ ସମ୍ଭାଳିଥିଲେ ସରୋଜ ରଣସିଂ । ଅମ୍ପାୟାର ଭାବେ ଦୁର୍ଗାଶଙ୍କର ଦାସ ଓ ସତ୍ୟଜିତ ମହାନ୍ତି ମ୍ୟାଚ ପରିଚାଳନା କରିଥିଲେ । ଅଧ୍ୟାପକ ଗଣେଷ ମିଶ୍ର ଧାରା ବିବରଣୀ ପ୍ରଦାନ କରିଥିଲେ । ମୁଖ୍ୟ ଅତିଥି ନୟାଗଡ଼ ଜିଲ୍ଲା ପରିଷଦ ଅଧ୍ୟକ୍ଷ ଇଞ୍ଜିନିୟର ଦେବାଶିଷ ପଟ୍ଟନାୟକ ଉଭୟ ଦଳର ଖେଳାଳୀଙ୍କୁ ପ୍ରଶଂସା କରିଥିଲେ । ଏହି ଅବସରରେ ସମ୍ମାନିତ ଅତିଥି ଭାବେ ନୟାଗଡ଼ ପୌରାଞ୍ଚଳର ଉପାଧ୍ୟକ୍ଷ ଗୁରୁପ୍ରସାଦ ଜେନା, ଜିଲ୍ଲା ପରିଷଦ ସୁବାଷ କଅଁର, କ୍ଷୀରୋଦ ମହାପାତ୍ର ଓ ଆଶିଷ ଅଗ୍ରୱାଲ ପ୍ରମୁଖ ଯୋଗଦେଇଥିଲେ ।
