ନୟାଗଡ (ବାଘୁଆବାର୍ତା); ନୟାଗଡ ଜିଲ୍ଲା ଅନ୍ତର୍ଗତ ଖଣ୍ଡପଡା ସହରରେ ଜଙ୍ଗଲି ବାର୍ହା ଙ୍କ ଆବିର୍ଭାବ ବଢିବାରେ ଲାଗିଛି । ଖାଦ୍ୟ ଅନ୍ୱେଷଣରେ ବାର୍ହା ଗୁଡିକ ଖଣ୍ଡପଡା ସହରର ପ୍ରବେଶ କରିଛନ୍ତି । ଆଜି ଭୋର ୫ ଟା ସମୟରେ ସହରର ଗଡ ଭିତର ସାହି ଓ କାଦୁଆ ସାହି ଭିତରେ ପ୍ରବେଶ କରି ୫ ଜଣଙ୍କୁ ଆହାତ କରିଛନ୍ତି । ଆହାତ ମାନେ ହେଲେ ଭଗବାନ ପଢିଆରୀ, ପ୍ରସନ୍ନ ପଟ୍ଟନାୟକ ଓ କୁନା ଦାସ । ସେମାନଙ୍କୁ ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇ ଚିକିତ୍ସା କରାଯାଇଛି । ଏହି ଖବର ପାଇ ସ୍ଥାନୀୟ ଅଂଚଳର ଜନସାଧାରଣ ଖଣ୍ଡପଡା ଡାକ୍ତରଖାନାରେ ରୁଣ୍ଡ ହୋଇଥିଲେ ।
