ମାନ ରଖିଲେ ଛାତ୍ରଛାତ୍ରୀ
ନୟାଗଡ଼,(ବାଘୁଆବାର୍ତ୍ତା): ସାରା ଭାରତ ବର୍ଷରେ ଲକ୍ଡାଉନ୍ ଅବଧିକୁ ପ୍ରଧାନମନ୍ତ୍ରୀ ବୃଦ୍ଧି କରିଛନ୍ତି । ମେ ୩ ତାରିଖ ପର୍ଯ୍ୟନ୍ତ ଅବଧି ବୃଦ୍ଧି କରାଯାଇଥିବା ବେଳେ ନୟାଗଡ଼ ସହରରେ କଟକଣାକୁ ଯେଉଁ ପରିମାଣର କଡ଼ାକଡ଼ି କରାଯାଇଛି, ସେଥିରେ ନୟାଗଡ଼ ସ୍ୱଂୟ ଶାସିତ ମହାବିଦ୍ୟାଳୟ ଛାତ୍ରଛାତ୍ରୀଙ୍କୁ ଭୂମିକା ଅତ୍ୟନ୍ତ ଗୁରୁତପୂର୍ଣ୍ଣ ବୋଲି ଆଲୋଚନା ହେଉଛି ।
ମହାବିଦ୍ୟାଳୟର ଏନ୍୍ସିସି ଛାତ୍ରଛାତ୍ରୀମାନେ ଏବେ ନୟାଗଡ଼ ସହରର ମୁଖ୍ୟ ଟ୍ରାଫିକ ଛଳରେ ସ୍ୱେଚ୍ଛାକୃତ୍ତ ଭାବେ ଯାଂଚ ପ୍ରକିୟାରେ ସାମିଲ ହୋଇଥିବା ବେଳେ କରୋନା ଯୁଦ୍ଧରେ ଏହି ଛାତ୍ରଛାତ୍ରୀମାନେ ପ୍ରକୃତ ହିରୋ ବୋଲି ଚର୍ଚ୍ଚା ହେଉଛି । ନୟାଗଡ଼ ସ୍ୱଂୟ ଶାସିତ ମହାବିଦ୍ୟାଳୟର +୩ ଛାତ୍ରଛାତ୍ରୀ ଏନ୍ସିସି ଏବଂ ଏନ୍୍ସିସି ନାଭାଲ ଛାତ୍ରଛାତ୍ରୀମାନେ ସହରର ଟ୍ରାଫିକ ଛକ ସମେତ ପରିବା ମାର୍କେଟରେ ଡ୍ୟୁଟି କରୁଛନ୍ତି । କିଛି ଛାତ୍ରଛାତ୍ରୀ ନୟାଗଡ଼ ପୁଲିସ ସହ ପ୍ରେଟୋଲିଂରେ ମଧ୍ୟ ଯାଉଥିବା ଜଣାଯାଇଛି । ଏଥି ସହିତ କିଛି ଛାତ୍ରଛାତ୍ରୀଙ୍କୁ ରାତିର ଯାଂଚ ପ୍ରକିୟା ଏବଂ ପ୍ରେଟୋଲିଂରେ ସାମିଲ କରାଯାଇଛି ।
ମହାବିଦ୍ୟାଳୟର ମୋଟ ୩୫ ଜଣ ଛାତ୍ରଛାତ୍ରୀ ନିଜର ପାଠପଢ଼ା ସହିତ କରୋନା ଯୁଦ୍ଧରେ ସାମିଲ ହୋଇ ନୟାଗଡ଼ ପାଇଁ ହିରୋ ପାଲଟିଛନ୍ତି । ଯାହାକୁ ନେଇ ନୟାଗଡ଼ ବାସୀ ସ୍ୱଂୟ ଶାସିତ ମହାବିଦ୍ୟାଳୟର ଅଧ୍ୟକ୍ଷା ମେଜର୍ ମଂଜୁଶ୍ରୀ ପତି ଏବଂ ଏନ୍ସିସି ନାଭାଲ ଲେଫ୍ଲାଣ୍ଟ ଗୋଲଖ ବିହାରୀ ନାୟକଙ୍କୁ ଧନବାଦ ଜଚ୍ଚାଇବା ସହ ପ୍ରଶଂସା କରିଛନ୍ତି । ସାଧାରଣ ଜନତାଙ୍କ ଉତ୍ତମ ବ୍ୟବହାର, ଯାଂଚ ବେଳେ ଶାଳୀନତା ରକ୍ଷା କରିବା, ଲୋକଙ୍କୁ ସଚେତନ କରାଇବାରେ ଛାତ୍ରଛାତ୍ରୀମାନେ ସମସ୍ତଙ୍କଠାରୁ ଆଗରେ ବୋଲି ଜଣାଯାଇଛି ।
