ନୟାଗଡ଼,(ବାଘୁଆବାର୍ତ୍ତା): କରୋନା କଟକଣା ପାଇଁ ଲକ୍ଡାଉନ୍ କରାଯାଇଥିବା ବେଳେ ଛାତ୍ରଛାତ୍ରୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସହରରେ କିଛି ବହି ଦୋକାନ ଖୋଲିବାକୁ ଦାବି ହୋଇଛି । ଛାତ୍ରଛାତ୍ରୀଙ୍କ ଖାତା, ପେନ ଏବଂ ଆବଶ୍ୟକତା ଅନୁଯାୟୀ ପୁସ୍ତକ କିଣିବା ପାଇଁ ପ୍ରଶାସନ କିଛି ବହି ଦୋକାନ ଖୋଲିବା ପାଇଁ ଅଭିଭାବକ ମହଲରୁ ଦାବି ହୋଇଛି । ଛାତ୍ରଛାତ୍ରୀମାନେ ଘରେ ରହି ପାଠପଢ଼ା କରୁଥିବାରୁ ସେମାନଙ୍କର ପାଠୂ ଉପକରଣର ଆବଶ୍ୟକତା ରହିଛୁ । ଅନ୍ୟପକ୍ଷେ, ବିଭିନ୍ନ ବିଦ୍ୟାଳୟରେ ଅନ୍ଲାଇନ୍ ପାଠପଢ଼ା ମଧ୍ୟ ଚାଲୁ ରହିଛି । ଯାହାକୁ ନେଇ ଜିଲ୍ଲାପାଳ କିଛି ବହି ଦୋକାନ ଖୋଲିବାକୁ ଦୃଷ୍ଟି ଦେବାକୁ ଦାବି ହେଉଛି । ସେହିଭଳି ଗ୍ୟାରେଜ ଗୁଡ଼ିକ ସଂମ୍ପୁର୍ଣ୍ଣ ବନ୍ଦ ହୋଇ ଯାଇଥିବାରୁ ଗାଡ଼ି ଚାଳକମାନେ ନାହିଁ ନଥିବା ଦୁର୍ଦ୍ଦଶା ଭୋଗୁଛନ୍ତି । ଗାଡ଼ିର ମରାମତି ପାଇଁ କିଛି ଗ୍ୟାରେଜ ଖୋଲିବା ପାଇଁ ଦାବି ହୋଇଛି ।
