କୃଷିକାର୍ଯ୍ୟ ଚାଲୁରହିବ
ଭୁବନେଶ୍ୱର (ବାଘୁଆବାର୍ତ୍ତା ବ୍ୟୁରୋ); ରାଜ୍ୟ ସରକାର କ୍ୟାବିନେଟରେ ବଡ ନିଷ୍ପତି ନେଇଛନ୍ତି । କରୋନା କୁ ରୋକିବା ପାଇଁ କ୍ୟାବିନେଟରେ ଏପ୍ରିଲ ୩୦ ପର୍ଯ୍ୟନ୍ତ ଲକ୍ ଡାଉନ୍ କୁ ଘୋଷଣା କରାଯାଇଛି । ବିମାନ ସେବା ଓ ରେଳ ସେବା ବନ୍ଦ ରହିବ । ଖାଦ୍ୟ ସାମଗ୍ରୀ ପଇଁ ବ୍ୟବହୃତ ମାଲ୍ବାହୀ ଗାଡ଼ି ଚଳାଚଳ କରିବ । ଏଥିନିମନ୍ତେ କେନ୍ଦ୍ର ସରକାରଙ୍କୁ ପ୍ରସ୍ତାବ ଦିଆଯାଇଛି । ଆସନ୍ତା ଜୁନ୍ ୧୭ ଯାଏଁ ସମସ୍ତ ସ୍କୁଲ ବନ୍ଦ ରହିବ । ସାମାଜିକ ଦୂରତା ରକ୍ଷାକରି ଏମ୍ଜିଏନ୍ଆରଇଜିସ୍ କାର୍ଯ୍ୟ ଏବଂ କୃଷି କାର୍ଯ୍ୟ ଚାଲୁରହିବ । ଚିକିତ୍ସା ପାଇଁ ରାଜ୍ୟ ସରକାର ସମସ୍ତ ପଦକ୍ଷେପ ନେଇଛନ୍ତି । ଟେଲି ମେଡିସିନ ପାଇଁ କାର୍ଯ୍ୟକ୍ରମ ଆରମ୍ଭ କରାଯାଛି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ୍ ପଟ୍ଟନାୟକ ଅର୍ଥନୀତି ଠାରୁ ମଣିଷ ଜୀବନ ମୂଲ୍ୟବାନ ବୋଲି ପ୍ରକାଶ କରିବା ସହିତ ରାଜ୍ୟ ବାହାରେ ଥିବା ଜନସାଧାରଣଙ୍କର ସେବା ଯୋଗାଇ ଦେବା ପାଇଁ ସମସ୍ତ ରଜ୍ୟ ସରକାରଙ୍କୁ ନିବେଦନ କରିଛନ୍ତି । ରାଜ୍ୟର କରୋନା ଚେନ୍ କୁ ଭାଙ୍ଗିବା ପାଇଁ ଏଭଳି ନିଷ୍ପତି ନିଆଯାଇଛି । ଏହା ସହିତ ୯/୧୧ ଆତଙ୍କବାଦୀ ଆକ୍ରମଣର ଉଦାହରଣ ଦେଇ ଓଡିଶା ସରକାର ସଜାଗ ଅଛନ୍ତି ବୋଲି ନବୀନ୍ କହିଛନ୍ତି । ଓଡ଼ିଶା ହେଉଛି ପ୍ରଥମ ରାଜ୍ୟ ଯେ କି ଲକ୍ ଡାଉନ୍ ପାଇଁ ପ୍ରଥମ ଘୋଷଣା କରିଛନ୍ତି । ଆଜିର କ୍ୟାବିନେଟ୍ ବୈଠକରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ, ଅରୁଣ କୁମାର ସାହୁ, ପ୍ରତାପ ଜେନା, ପ୍ରଫୁଲ ମଲ୍ଲିକ ଓ ପଦ୍ମନାଭ ବେହେରା ଲୋକସଭା ଭବନରେ ଉପସ୍ଥିତ ରହିଥିଲେ ।
