ଉମରକୋଟ, (ବାଘୁଆବାର୍ତ୍ତା): ବେକରେ ରଶି ଲଗାଇ ଯୁବକଙ୍କ ଆତ୍ମହତ୍ୟା। ଘର ଭିତରୁ ଝୁଲନ୍ତା ମୃତଦେହ ଉଦ୍ଧାର। ଉମରକୋଟ ପୌରପରିଷଦ ଅନ୍ତର୍ଗତ ୟୁଭି ୫୨ ନଂ ବଙ୍ଗୀୟ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। ମୃତ ଯୁବକ ଜଣକ ହେଉଛନ୍ତି ସନ୍ତୋଷ ମଣ୍ଡଳ (୨୭ ବର୍ଷ)। ଏ ସମ୍ପର୍କରେ ସନ୍ତୋଷଙ୍କ ଦାଦା ଉମରକୋଟ ଥାନାରେ ଲିଖିତ ଅଭିଯୋଗ କରିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚି ଶବ ଜବତ କରିଛି। ୟୁଭି ୫୨ ନଂ ବଙ୍ଗୀୟ ଗ୍ରାମରେ ପୂଜା ଥିବାରୁ ସନ୍ତୋଷ ୩ ଦିନ ତଳେ ସ୍ତ୍ରୀ ଓ ପୁଅକୁ ଆଣିବା ପାଇଁ ଶ୍ଵଶୁର ଘର ଝରିଗାଁ ବ୍ଲକ ଚାଟିଗୁଡା ଗ୍ରାମକୁ ଯାଇଥିଲେ। ହେଲେ ଶ୍ଵଶୁର ଘର ଲୋକ ସ୍ତ୍ରୀ ଓ ପୁଅକୁ ଛାଡି ନଥିଲେ। ସେଠାରୁ ଆସିବା ପରେ ସନ୍ତୋଷଙ୍କ ମନ ଭଲ ନଥିଲା। ସବୁବେଳେ ଦୁଃଖରେ ରହୁଥିଲେ। ଆଜି ସକାଳୁ ଘର ଭିତରୁ ସନ୍ତୋଷଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ଏହି କାରଣ ଯୋଗୁଁ ସନ୍ତୋଷ ଆତ୍ମହତ୍ୟା କରିଥିବା ଚର୍ଚ୍ଚା ହେଉଛି। ଏନେଇ ସନ୍ତୋଷଙ୍କ ଦାଦା ଉମରକୋଟ ଥାନାରେ ଲିଖିତ ଅଭିଯୋଗ କରିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚି ଶବ ଜବତ କରିଛି। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି।





