ଭୁବନେଶ୍ୱର, (ବାଘୁଆବାର୍ତ୍ତା) : ବ୍ଲାକମେଲର ଦମ୍ପତି ଅର୍ଚ୍ଚନା ନାଗ୍ ଓ ଜଗବନ୍ଧୁ ଚାନ୍ଦ ଗିରଫ ଘଟଣା ନୂଆ ମୋଡ଼ ନେଇଛି । ଏବେ ଇଡି ଜାଲରେ ପଡିବେ ଦମ୍ପତି। ବେଆଇନ ଆର୍ଥିକ କାରବାର ନେଇ ତଦନ୍ତ କରିପାରେ ପ୍ରବର୍ତ୍ତନ ନିର୍ଦେଶାଳୟ । ଏ ସମ୍ପର୍କରେ ଇଡି ପକ୍ଷରୁ ସୂଚନା ମିଳିଛି । ଅର୍ଚ୍ଚନା ଓ ଜଗବନ୍ଧୁଙ୍କ ନେଆଇନ ଆର୍ଥିକ କାରାବରର ହେବ ଖୋଳତାଡ଼ । ଏନେଇ ପକ୍ରିୟା ଆରମ୍ଭ କରିଛି ଇଡି । ଖୁବଶୀଘ୍ର କମିଶନରେଟ ପୋଲିସ ପାଖରୁ ତଥ୍ୟ ନେବ ଇଡି । ସ୍ୱାମୀ ଓ ସ୍ତ୍ରୀଙ୍କ ଆକାଉଣ୍ଟକୁ ନେଇ ଖୋଳତାଡ଼ କରାଯିବ। ଅର୍ଚ୍ଚନା ଓ ଜଗବନ୍ଧୁଙ୍କ ଆକାଉଣ୍ଟକୁ କେଉଁ ନେତା ମନ୍ତ୍ରୀ ଓ ବଡବଡ଼ିଆଙ୍କ ଠାରୁ ଟଙ୍କା ଆସିଛି ତାହାର ଖୋଳ ତାଡ଼ କରିବା ଇଡି । କିଏ କାହିଁକି ଓ କେତେ ଟଙ୍କା ଦେଇଛି ତାହାର ତଦନ୍ତ କରିବ ହେବ। ଏ ସମ୍ପର୍କରେ ଉଚ୍ଚସ୍ତରୀୟ ଆଲୋଚନା ହୋଇଛି । ସେପଟେ ଜଗବନ୍ଧୁଙ୍କ ଗିରଫ ହେବା ପରେ କୁଆଡେ ତାଙ୍କ ସହଯୋଗୀ ଖଗେଶ୍ବର ମନରେ ପଶିଛି ଛନକା ଏବେ ଖଗେଶ୍ବରକୁ ବାନ୍ଧିବାକୁ ପୋଲିସ ପକ୍ଷରୁ ଛାନ୍ଭିନ୍ ଚାଲିଛି । ଅର୍ଚ୍ଚନାଙ୍କ କଳା କାରନାମା ସାମ୍ରାଜ୍ୟରେ ସ୍ୱାମୀ ଜଗବନ୍ଧୁ ଏବଂ ସହଯୋଗୀ ଖଗେଶ୍ୱରଙ୍କ ସମ୍ପୃକ୍ତି ନେଇ ଠୋସ୍ ପ୍ରମାଣ ପାଇଛି ପୋଲିସ । ହନିଟ୍ରାପ୍ରେ ଫସାଇ ହାଇ ପ୍ରୋଫାଇଲ ଲୋକଙ୍କୁ ବ୍ଲାକମେଲ୍ କରିବା ସହ ପୀଡ଼ିତାଙ୍କୁ ଡରାଇବା, ଦାଦାବଟି ଆଦାୟ ଆଦି ଭଳି କାମ କରୁଥିଲେ । ତେବେ ଅର୍ଚ୍ଚନାଙ୍କ ପରେ ସ୍ବାମୀ ଜଗବନ୍ଧୁଙ୍କୁ ଗିରଫ କରିଥିଲା ପୋଲିସ । ହେଲେ ଏବେବି ସହଯୋଗୀ ଖଗେଶ୍ବରଙ୍କ ଟେର୍ ପାଉନି। ସେପଟେ ସତ ପଦାକୁ ଆଣିବା ପାଇଁ ପୋଲିସ୍ ଉଭୟଙ୍କ ଲାଏ ଡିଟେକ୍ସନ ଟେଷ୍ଟ ପାଇଁ କୋର୍ଟରେ ଆବେଦନ କରିବାକୁ ଯୋଜନା କରିଛି । ଏନେଇ କୋର୍ଟରେ ଆବେଦନ କରିବା ପାଇଁ ସଜବାଜ ହୋଇଛି ଖଣ୍ଡଗିରି ଥାନା ପୋଲିସ୍ । ପୂର୍ବରୁ ଗିରଫ ଦାରି ସମୟରେ ଉଭୟଙ୍କୁ ପଚରାଉଚରା ହୋଇଥିଲେ ମଧ୍ୟ କେହି କିଛି କହି ନଥିବାରୁ ମିଛ ଧରା ମେସିନରେ ଟେଷ୍ଟ କରିବା ପାଇଁ ପୋଲିସ୍ ଯୋଜନା କରିଛି । ଗତକାଲି ଝାରପଡା ଜେଲରେ ପରସ୍ପରଙ୍କୁ ଅର୍ଚ୍ଚନା ଓ ଜଗବନ୍ଧୁ ଭେଟିଥିଲେ । ପ୍ରାୟ ୧୫ ମିନିଟ୍ ଧରି ଉଭୟ କଥାବର୍ତ୍ତା ହୋଇଥିଲେ ।





