ଦଶପଲ୍ଲା, ( ବାଘୁଆବାର୍ତ୍ତା): ଦଶପଲ୍ଲା ଥାନା ଅନ୍ତର୍ଗତ କଉଡା ଗ୍ରାମର ଜଗନ୍ନାଥ ପ୍ରଧାନଙ୍କ ପୁଅ ସୁରେଶ ପ୍ରଧାନ ବଇଦିକ ରୀତି ରେ ହାତ ଧରି ଦଶପଲ୍ଲା ଅନ୍ତର୍ଗତ ବାରିହାପିଟା ଗ୍ରାମ ର ନଟିଆ ପ୍ରଧାନଙ୍କ ଝିଅ ସୀତା ପ୍ରଧାନଙ୍କୁ ବିବାହ କରିଥିବା ବେଳେ ଶାଶୁ ଦ୍ରୋପତି ପ୍ରଧାନ ସବୁବେଳେ ବୋହୁ ସୀତାଙ୍କୁ ଯୌତୁକ ପାଇଁ ନିର୍ଯାତନା ଦେଇ ଆସୁ ଥିବାବେଳେ ଗତ ଶୁକ୍ରବାର ରାତିରେ ବହୁ ସୀତାଙ୍କୁ ଶାଶୁ, ଦେଢସୁର, ସ୍ବାମୀ ବାଡ଼େଇ ବାଡ଼େଇ ମାରିଦେଇ ରସି ସାହାଯ୍ୟରେ ଘର ଭିତରେ ଝୁଲାଇ ଦେଇ ଥିଲେ। ଖବର ପାଇ ସୀତାଙ୍କ ବାପା ଘର ଲୋକେ ପହଞ୍ଚି ଦଶପଲ୍ଲା ଥାନାରେ ଲିଖିତ ଅଭିଯୋଗ କରିଥିଲେ । ଦଶପଲ୍ଲା ଥାନା ଅଧିକାରୀ ବସନ୍ତ କୁମାର ସାହୁ କେଶ୍ ନମ୍ବର ୨୩୨ ରେ ମାମଲା ରୁଜୁ କରିବା ସହ ଘଟଣା ସ୍ଥଳକୁ ଦଶପଲ୍ଲା ମାଜଷ୍ଟ୍ରେଟଙ୍କ ଉପସ୍ଥିତିରେ ଶବ ଉଦ୍ଧାର କରି ବ୍ୟବଚ୍ଛେଦ କରିଥିବା ବେଳେ ତଦନ୍ତ କରି ଟିମ୍ ପହଞ୍ଚି ଅଧିକ ଛାନ୍ ଭିନ କରିଥିଲେ । ସୀତା ଙ୍କ ସ୍ବାମୀ ସୁରେଶ ପ୍ରଧାନ ଙ୍କୁ ଥାନା ରେ ଅଟକ ରଖି ପଚରାଉଚରା ପରେ ସେ ସ୍ତ୍ରୀ ସୀତା ଙ୍କୁ ମାର ପିଟ୍ କରିଛି ବୋଲି ସ୍ବୀକାର କରିଛି ସମୋବର ଦିନ ଦଶପଲ୍ଲା ଥାନା ଅଧିକାରୀ ବସନ୍ତ କୁମାର ସାହୁ ଅଭିଯୁକ୍ତ ସୁରେଶ ପ୍ରଧାନ କୁ କୋର୍ଟ ଚାଲାଣ କରିଥିବା ବେଳେ ସମସ୍ତ ରିପୋର୍ଟ ଆସିବା ପରେ ଏଥିରେ ସଂଶ୍ଲିଷ୍ଟ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଥାନା ଅଧିକାରୀ ବସନ୍ତ କୁମାର ସାହୁ ପ୍ରକାଶ କରିଛନ୍ତି । ଅନ୍ୟପଟେ ଏହି ଘଟଣା ର ମୁକ୍ଷ୍ୟ ଆସାମୀ ଖୁଲମ ଖୋଲା ବାହାରେ ବୁଲୁଥିବା କୁ ଦେଖି ତୁରନ୍ତ ଗିରଫ କରିବାପାଇଁ ଗ୍ରାମବାସୀ ଏବଂ ସୀତାଙ୍କ ବାପଘର ଲୋକେ ଦାବି କରିଛନ୍ତି ।





