ଜଳେଶ୍ଵର, (ବାଘୁଆବାର୍ତ୍ତା): ଚୋରା କାଠ ବୋଝେଇ ଇଞ୍ଜିନ ରିକ୍ସା ଜବତ। ପଶ୍ଚିମବଙ୍ଗକୁ ଚୋରା ଚାଲାଣ ବେଳେ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଗ୍ରୱାଲା ଛକ ଠାରେ ଚଢ଼ାଉ କରିଛି ବନ ବିଭାଗ। ୨ କାଠ ମାଫିଆଙ୍କୁ ଅଟକ ରଖିଛି ବନ ବିଭାଗ। ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଲକ୍ଷ୍ମଣନାଥ ରୋଡ ଦେଇ ପ୍ରତ୍ୟେକ ଦିନ କାଠ ପଶ୍ଚିମବଙ୍ଗକୁ ଚୋରାଚାଲାଣ ହେଉଥିବା ନେଇ ଜଳେଶ୍ୱର ବନ ବିଭାଗ ପାଖରେ ବାରମ୍ବାର ଅଭିଯୋଗ ହୋଇ ଆସୁଥିଲା। ଗତକାଲି ଅପରାହ୍ନ ୫ଟା ସମୟରେ ଦୁଇ ଜଣ କାଠ ମାଫିଆ ଏକ ଇଞ୍ଜିନ ଚାଳିତ ରିକ୍ସାରେ କାଠ ଲୋଡ କରି ପଶ୍ଚିମବଙ୍ଗକୁ ଚୋରା ଚାଲାଣ କରୁଥିବା ବେଳେ କୌଣସି ସୂତ୍ରରୁ ଖବର ପାଇ ବନ ବିଭାଗ ପକ୍ଷରୁ ଅଗ୍ରୱାଲା ଛକ ଠାରେ ଚଢ଼ାଉ କରାଯାଇଥିଲା। ବନ ବିଭାଗ କାଠ ବୋଝେଇ ଇଞ୍ଜିନ ଚାଳିତ ରିକ୍ସା ସହିତ ଗୋଟିଏ ବାଇକ ଜବତ କରିବା ସହ ଦୁଇ ଜଣ କାଠ ମାଫିଆକୁ ଅଟକ ରଖି ତଦନ୍ତ ଜାରି ରଖିଛି। ଅଟକ ଦୁଇ ଜଣ ନିମାଇଁ ଦଳାଇ ଏବଂ ପ୍ରଭାକର ଦେ।





