କଟକ, (ବାଘୁଆବାର୍ତ୍ତା): କଟକ ଜିଲ୍ଲା ଅବକାରୀ ବିଭାଗ ପକ୍ଷରୁ ୬୦ କ୍ଵିଣ୍ଟାଲ ଭାଙ୍ଗ ଜବତ। ଟାଙ୍ଗୀ ଟୋଲ ଗେଟ୍ ନିକଟରୁ ଏହି ଭାଙ୍ଗ ଜବତ ହୋଇଛି। ଏହା ସହ ୨ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ବିଭାଗ। ଜବତ ଭାଙ୍ଗର ଆନୁମାନିକ ମୂଲ୍ୟ ୬୦ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି। ବିହାରରୁ ଭୁବନେଶ୍ଵରକୁ ଭାଙ୍ଗ ଚାଲାଣ ହେଉଥିବା ବେଳେ କଟକ ଅବକାରୀ ବିଭାଗ ଟାଙ୍ଗୀ ଟୋଲ ଗେଟ୍ ନିକଟରେ ଚଢାଉ କରିଛି। ଚଢାଉ ବେଳେ ୬୦ କ୍ଵିଣ୍ଟାଲ ଭାଙ୍ଗ ଜବତ ହୋଇଛି। ଏହା ସହ ୨ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ବିଭାଗ। ତେବେ ଜବତ ହୋଇଥିବା ଭାଙ୍ଗର ଆନୁମାନିକ ମୂଲ୍ୟ ୬୦ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି। ଗିରଫ ହୋଇଥିବା ଅଭିଯୁକ୍ତମାନେ ହେଲେ ଯୋଗେନ୍ଦ୍ର ପାଶୱାନ ଓ ଅଶୋକ ପାଶୱାନ। ସେମାନେ ବିହାରର ବୋଲି କଟକ ଜିଲ୍ଲା ଅବକାରୀ ବିଭାଗ ଅଧିକ୍ଷକ ଦେବାଶିଷ ପଟେଲ ସୂଚନା ଦେଇଛନ୍ତି।





