ନୟାଗଡ଼, (ବାଘୁଆବାର୍ତ୍ତା): ପୋଲିସ ଠାରୁ ନ୍ୟାୟ ମିଳିଲାନି, ଜିଲ୍ଲାପାଳଙ୍କ ଅଫିସ୍ ସମ୍ମୁଖରେ ଧାରଣାରେ ବସିଲେ ତପସ୍ଵିନୀ। ନୟାଗଡ଼ ଜିଲ୍ଲା ଫତେଗଡ ଥାନା ଅନ୍ତର୍ଗତ ବେଗୁନିଆ ଗ୍ରାମର ତପସ୍ଵିନୀ ଦାସଙ୍କ ଉପରେ ଗତ ଜୁନ୍ ମାସ ୨୦ ତାରିଖରେ ହୋଇଥିବା ଆକ୍ରମଣ ଘଟଣାର କାର୍ୟ୍ୟାନୁଷ୍ଠାନ ଦାବି କରି ଆଜି ସେ ଜିଲ୍ଲାପାଳଙ୍କ ଅଫିସ୍ ସମ୍ମୁଖରେ ଧାରଣା ଦେଇଛନ୍ତି। ପ୍ରକାଶ ଥାଉକି, ନୟାଗଡ଼ ଜିଲ୍ଲା ଫତେଗଡ ଥାନା ଅନ୍ତର୍ଗତ ବେଗୁନିଆ ଗ୍ରାମର ତପସ୍ଵିନୀ ଦାସ ଫାଇନାନ୍ସ ଟଙ୍କା ମାଗିବାକୁ ବୋଲଗଡ଼ ଥାନା ଅନ୍ତର୍ଗତ ଆସରଲା ଗ୍ରାମକୁ ଗତ ଜୁନ୍ ମାସ ୨୦ ତାରିଖରେ ଯାଇଥିଲେ। ସେଠାରେ ଘଟଣା ଦିନ କିସ୍ତି ଅର୍ଥ ମାଗିବାରୁ ତାଙ୍କୁ ଗାଡ଼ି ମାଲିକଙ୍କ ସ୍ଵାମୀ କାଳିଆ ଭଞ୍ଜ ଓ ରୋଜାଲିନ ପରିଡ଼ା ସଙ୍ଘବଧ ଭାବେ ଟାଙ୍ଗିଆରେ ଆକ୍ରମଣ କରିଥିଲେ। ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରିଥିଲେ। ତପସ୍ଵିନୀଙ୍କ ଅଭିଯୋଗ କ୍ରମେ ବୋଲଗଡ଼ ଥାନା ପୁଲିସ୍ ୧୮୨/୨୨ ମାମଲା ରୁଜୁ କରିଛି। ହେଲେ ଏଯାବତ୍ ଅଭିଯୁକ୍ତଙ୍କୁ ଗିରଫ କରାଯାଇ ନାହିଁ। ବାରମ୍ଵାର ନ୍ୟାୟ ପାଇଁ ତପସ୍ଵିନୀ ଥାନାର ଦ୍ଵାରସ୍ଥ ହୋଇଥିଲେ ମଧ୍ୟ ପୋଲିସ କୌଣସି କାର୍ୟ୍ୟାନୁଷ୍ଠାନ ଗ୍ରହଣ କରିନାହିଁ। ତେଣୁ ପୋଲିସର ତଦନ୍ତ ବାଟବଣା ହୋଇଥିବା ଅଭିଯୋଗ ଆଣି ତପସ୍ଵିନୀ ଏସପିଙ୍କୁ ଭେଟିଥିଲେ। ମାତ୍ର ଅଭିଯୁକ୍ତଙ୍କୁ ପୋଲିସ ଗିରଫ କରିବାରେ ବିଫଳ ହୋଇଥିବା ଅଭିଯୋଗ ଆଣି ତପସ୍ଵିନୀ ଜିଲ୍ଲାପାଳଙ୍କ ଅଫିସ୍ ସମ୍ମୁଖରେ ଧାରଣାରେ ବସିଛନ୍ତି।





