ରାଉରକେଲା, (ବାଘୁଆବାର୍ତ୍ତା): ବର୍ଷେ ହେଲା ନୟାନ୍ତ କରୁଥିବା ଚୋରକୁ କାବୁ କଲା ପୋଲିସ। ଦୀର୍ଘ ଏକ ବର୍ଷ ଧରି ରାଉରକେଲାର ବିଭିନ୍ନ ସେକ୍ଟର ଅଞ୍ଚଳରେ ଚୋରି କରି ପୋଲିସ ନିଦ ହଜେଇ ଦେଇଥିବା ଚୋରକୁ କାବୁ କରିଛି ସେକ୍ଟର -୩ ଥାନା ପୁଲିସ। ଧରା ପଡ଼ିଥିବା ଅଭିଯୁକ୍ତ ଜଣକ ହେଲେ ସେକ୍ଟର -୨ ଅଞ୍ଚଳର ଚିତ୍ତରଞ୍ଜନ ଜେନା (୪୨)। ଚିତ୍ତରଞ୍ଜନ ଜେନା ନିକଟରୁ ସାଢେ଼ ୭ ଲକ୍ଷ ଟଙ୍କାର ସୁନାଗହଣା ସମେତ ପ୍ରାୟ ୧୨ ଲକ୍ଷ ଟଙ୍କାର ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।, ଚିତ୍ତରଞ୍ଜନ ରାଉରକେଲାର ଏକ ଘରୋଇ କମ୍ପାନୀରେ ଚାକିରି କରନ୍ତି। ସନ୍ଧ୍ୟାରେ ଡ୍ୟୁଟିରୁ ଫେରିବା ପରେ ସେ ସାଇକଲ ଧରି ବିଭିନ୍ନ ସେକ୍ଟର ଅଞ୍ଚଳ ବୁଲି ତାଲା ପଡ଼ିଥିବା ଘରକୁ ଟାର୍ଗେଟ କରିଥାନ୍ତି। ପରେ ସୁଯୋଗ ଦେଖି ଚୋରି କରି ଚଂପଟ ମାରିଥାନ୍ତି। ତେବେ ସେକ୍ଟର-୩ ଥାନା ପୋଲିସ ଚିତ୍ତରଞ୍ଜନକୁ ଧରିବା ଲାଗି ଜାଲ ବିଛାଇ ଥିଲା। ଗତକାଲି ରାତିରେ ସେ ରହୁଥିବା ସେକ୍ଟର -୨ ଘର ଉପରେ ଚଢ଼ାଉ କରି ପୋଲିସ ଚିତ୍ତରଞ୍ଜନକୁ କାବୁ କରିଥିଲା।





