ଭୁବନେଶ୍ୱର, (ବାଘୁଆବାର୍ତ୍ତା): ଭୁବନେଶ୍ୱର ଉପକଣ୍ଠ ସୁନ୍ଦରପଦା- ଜଟଣୀ ରାସ୍ତାରୁ ୧ କୋଟିରୁ ଅଧିକ ଟଙ୍କାର ଧଳାଜହର ଜବତ କଲା କ୍ରାଇମବ୍ରାଞ୍ଚ ଏସଟିଏଫ୍ ଟିମ୍। ବ୍ରାଉନସୁଗାର କାରବାର ଅଭିଯୋଗରେ ଜଣେ ଯୁବକଙ୍କ ଅଟକ ରଖାଯାଉଥିବ ବେଳେ ଗୋଟିଏ କାର ଜବତ ହୋଇଛି। ଅଭିଯୁକ୍ତ ଜଣ ଉମେଶ ବେହେରା ବୋଲି ଜଣାପଡିଛି । ଯୁବକ ଜଣ ବ୍ରାଉନ୍ସୁଗାର କେଉଁଠି ନେଉଥିଲେ ସେନେଇ ଏସ୍ଟିଏଫ୍ ଟିମ୍ ପଚରା ଉଚାର କରୁଛନ୍ତି। ତାହା ସହିତ ସଂପୃକ୍ତ ଥିବା ଅନ୍ୟ ବେପାରୀଙ୍କୁ ଧରିବାପାଇଁ ତଦନ୍ତ ଚଳାଇଛି କ୍ରାଇମ୍ବ୍ରାଞ୍ଚ ଟିମ୍ । ସୁନ୍ଦରପଦା ଅଞ୍ଚଳରେ ଧଳାଜହର କାରବାର ହେଉଥିବା ନେଇ କ୍ରାଇମ୍ବ୍ରାଞ୍ଚ ଟିମ୍କୁ ଗୁଇନ୍ଦା ସୂଚନା ମିଳିଥିଲା । ଏହି ଖବର ମିଳିବା ପରେ ଏସ୍ଟିଏଫ୍ ଟିମ୍ ସୁନ୍ଦରପଦା- ଜଟଣୀ ଅଞ୍ଚଳରେ ଚଢ଼ଉ କରି ଏକ କାର୍କୁ ଅଟକ ରଖିଥିଲା। କାର ଭିତରୁ ୧ କେଜି ୫୦ ଗ୍ରାମ୍ର ବ୍ରାଉନ୍ସୁଗାର ଜବତ କରିଥିବା ବେଳେ ବେପାରୀକୁ ଧରିବାରେ ସଫଳ ହୋଇଥିଲା ଟିମ୍। ଉଲ୍ଲେଖ ଯୋଗ୍ୟ ଯେ, ୨୦୨୦ରୁ ବର୍ତ୍ତମାନ ସୁଦ୍ଧା ୫୮ କେଜି ବ୍ରାଉନସୁଗାର ଜବତ କରିଛି ଏସ୍ଟିଏଫ ଟିମ୍।





