ବାରିପଦା, (ବାଘୁଆବାର୍ତ୍ତା): ସନ୍ଦେହଜନକ ଭାବେ ଯୁବକଙ୍କ ମୃତଦେହ ଉଦ୍ଧାର। ବାରିପଦା ସଦର ଥାନା ଅନ୍ତର୍ଗତ ଦାମଦୋରପୁର ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି । ମୃତକଙ୍କ ପରିଚୟ ମିଳିପାରି ନାହିଁ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ସୂଚନା ଅନୁସାରେ, ବାରିପଦା ସଦର ଥାନା ଅନ୍ତର୍ଗତ ଦାମଦୋରପୁର ଅଞ୍ଚଳରେ ଆଜି ସକାଳୁ ଏକ ନବ ନିର୍ମିତ କୋଠାରୁ ତଳକୁ ଖସି ଜଣେ ଯୁବକଙ୍କ ମୃତ୍ୟୁ ହୋଇଛି। ଖବର ପାଇ ବାରିପଦା ସଦର ଏସ.ଡି.ପି.ଓ. ପ୍ରକାଶ ଜେମସ ଟୋପ ଏବଂ ବାରିପଦା ସଦର ପୋଲିସ ସହ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ତେବେ ଏହା ହତ୍ୟା ନା ଆତ୍ମହତ୍ୟା ସେନେଇ ତଦନ୍ତ ଜାରି ରହିଛି ବୋଲି ସୂଚନା ଦେଇଛନ୍ତି ବାରିପଦା ସଦର ଏସ.ଡି.ପି.ଓ. ପ୍ରକାଶ ଜେମସ ଟୋପ ।





