Sunday, November 22, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ସୁଜାତା ରଥଙ୍କ ଝୁଲନ୍ତା ମୃତଦେହ ଉଦ୍ଧାର ପରେ ପୁଲିସ ର ତନାଘନା

by ସଞ୍ଜୟ ସ୍ୱାଇଁ
September 24, 2022
in Crime, State
ସୁଜାତା ରଥଙ୍କ ଝୁଲନ୍ତା ମୃତଦେହ ଉଦ୍ଧାର ପରେ ପୁଲିସ ର  ତନାଘନା
109
VIEWS
Share on FacebookShare on Twitter

ଭୁବନେଶ୍ୱର, (ବାଘୁଆବାର୍ତ୍ତା): ପାହାଳ ଥାନା ଅଟଳା ସୁରେଖା ଆପାର୍ଟମେଣ୍ଟ୍‌ରେ ସୁଜାତା ରଥଙ୍କ ଝୁଲନ୍ତା ମୃତଦେହ ଉଦ୍ଧାର ଘଟଣାରେ ପୁଲିସ ତନାଘନା ଆରମ୍ଭ କରିଛି । ସୁଜାତାଙ୍କ ପୁରୁଷ ବନ୍ଧୁ ମହମ୍ମଦ ଇଫ୍‌ତାରଙ୍କୁ ପୁଲିସ ଥାନାକୁ ଡ଼କାଇଛି । ଥାନାରେ ପହଞ୍ଚିବା ପରେ ସୁଜାତା କାହିଁକି ଆତ୍ମହତ୍ୟା କଲେ ସେ ନେଇ ପଚରାଉଚରା କରାଯିବ ବୋଲି ପୁଲିସ କହିଛି । ସେପଟେ ସୁଜାତାଙ୍କ ଶବ ବ୍ୟବଚ୍ଛେଦ ରିପୋର୍ଟକୁ ମଧ୍ୟ ପୁଲିସ ଅପେକ୍ଷା କରିଛି । ବ୍ୟବଚ୍ଛେଦ ରିପୋର୍ଟ ମିଳିବା ପରେ ସୁଜାତାଙ୍କ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ ବୋଲି ପୁଲିସ କହିଛି । ସୂଚନା ଥାଉକି, ସୁଜାତା ଓ ସମ୍ବଲପୁରର ଇଫ୍‌ତାର ପାର୍ଟନରସିପ୍‌ରେ ପ୍ରିଣ୍ଟିଂ ପ୍ରେସ ଚଲାଇବା ସହ ଉଭୟ ସୁରେଖା ଆପାର୍ଟମେଣ୍‌୍୍ରେ ୪ବର୍ଷ ହେଲା ଲିଭ୍‌ ଇନ୍‌ ରିଲେସନ୍‌ସିପରେ ରହୁଥିଲେ । ସୁଜାତାଙ୍କ ବାପା-ମା’ ଉକ୍ତ ଆପାର୍ଟମେଣ୍ଟ୍‌ର ଅନ୍ୟ ଏକ ବ୍ଲକରେ ରହୁଥିଲେ । ସେମାନଙ୍କ ସ୍ୱୀକୃତିରେ ସୁଜାତା ଓ ଇଫ୍‌ତାର ଏକାଠି ରହୁଥିଲେ । ପୁଲିସ ତଦନ୍ତରୁ ସୁଜାତା ଚିଡ଼ି ଚିଡ଼ା ସ୍ୱଭାବର ଝିଅ ଏବଂ କଥା କଥାକେ ରାଗି ଯାଆନ୍ତି । ଏପରିକି ପୂର୍ବରୁ ମଧ୍ୟ ସେ ଅନେକ ଥର ଟିକେ ଟିକେ କଥାରେ ଆତ୍ମହତ୍ୟା କରିଦେବେ ବୋଲି ଧମକ ଦିଅନ୍ତି । ଇଫ୍‌ତାର ଜଣେ ସଂପର୍କୀୟଙ୍କ ବିବାହରେ ଯୋଗ ଦେବାପାଇଁ ୩ ଦିନ ପୂର୍ବରୁ ସମ୍ବଲପୁର ଚାଲି ଯାଇଥିଲେ । ୨ ଦିନ ଭିତରେ ସେ ଫେରି ଆସିବେ ବୋଲି କହିଥିଲେ । ହେଲେ ସେ ୩ ଦିନ ହେଲା ନ ଫେରିବାରୁ ଫୋନ୍‌ରେ ସୁଜାତାଙ୍କ ସହ ତାଙ୍କର ପାଟିତୁଣ୍ଡ ହୋଇଥିଲା । ସୁଜାତା ସକାଳ ୯ଟାବେଳେ ତାଙ୍କ ମା’ଙ୍କୁ ଫୋନ୍‌ କରି ଆତ୍ମହତ୍ୟା କରିଦେବେ ବୋଲି ଧମକ ଦେଇଥିଲେ । କିନ୍ତୁ ତାଙ୍କ ମା’ ବିଶ୍ୱାସ କରି ନଥିଲେ । ତା’ ପରେ ସୁଜାତା ଶେଷ କଲ୍‌ ଇଫ୍‌ତାରଙ୍କୁ କରିଥିଲେ । ଉଭୟଙ୍କ ମଧ୍ୟରେ କ’ଣ ବାର୍ତ୍ତାଳାପ ହେଲା କେଜାଣି ଏହାର କିଛି ସମୟ ପରେ ସୁଜାତା ଘର ଭିତର ପଟୁ ବନ୍ଦ କରି ଓଢ଼ଣିକୁ ବେକରେ ଗୁଡ଼ାଇ ଫ୍ୟାନ୍‌ରେ ଝୁଲି ପଡ଼ିଥିଲେ । ତଥାପି ସନ୍ଦେହରେ ଇଫ୍‌ତାର ଆପାର୍ଟମେଣ୍ଟର ସିକ୍ୟୁରିଟି ଗାର୍ଡଙ୍କୁ ଫୋନ୍‌ କରି ସୁଜାତା କ’ଣ କରୁଛନ୍ତିି ବୁଝିବା ପାଇଁ କହିଥିଲେ । ସିକ୍ୟୁରିଟି ଗାର୍ଡ ପହଞ୍ଚି ଘର ଭିତରପଟରୁ ବନ୍ଦ ଥିବା ଜାଣିବାକୁ ପାଇଥିଲେ । ସେ କବାଟ ବାଡ଼େଇଥିଲେ ମଧ୍ୟ ସୁଜାତା ଖୋଲି ନଥିଲେ । ତେଣୁ ସିକ୍ୟୁରିଟି ଗାର୍ଡ ଏନେଇ ପାହାଳ ଥାନାକୁ ଫୋନ୍‌ କରି ଜଣାଇଥିଲେ । ପୁଲିସ ପହଞ୍ଚି କବାଟ ଭାଙ୍ଗି ଘରୁ ସୁଜାତାଙ୍କ ଝୁଲନ୍ତା ମୃତଦେହ ଉଦ୍ଧାର କରିଥିଲା । ପୁଲିସ ଏନେଇ ଏକ ଅପମୃତ୍ୟୁ ମାମଲା ରୁଜୁକରିବା ସହ ଶବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି । ଏନେଇ ସୁଜାତାଙ୍କ ପରିବାର ପକ୍ଷରୁ ଥାନାରେ କୌଣସି ଅଭିଯୋଗ ହୋଇନାହିଁ । କବାଟ ଭିତର ପଟୁ ବନ୍ଦ ଥିବାରୁ ଏହା ଆତ୍ମହତ୍ୟା ବୋଲି ଥାନା ଅଧିକାରୀ ସୁଚିତ୍ରା ପରିଡ଼ା କହିଛନ୍ତି । ତଥାପି ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସୁଜାତାଙ୍କ ମୃତ୍ୟୁର ପ୍ରକୃତ ରହସ୍ୟ ଜଣା ପଡ଼ିବ । ସୁଜାତାଙ୍କ ପୁରୁଷବନ୍ଧୁଙ୍କୁ ଫୋନ୍‌ ମାଧ୍ୟମରେ ନୋଟିସ କରାଯାଇଛି । ସେ ପହଞ୍ଚିବା ପରେ ସୁଜାତା କାହିଁକି ଏଭଳି ଚରମ ନିଷ୍ପତ୍ତି ନେଲେ ସେ ନେଇ ତାଙ୍କୁ ଜେରା କରାଯିବ ବୋଲି ଥାନା ଅଧିକାରୀ ସୁଚିତ୍ରା ପରିଡ଼ା କହିଛନ୍ତି ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!