କୋରାପୁଟ, (ବାଘୁଆବାର୍ତ୍ତା): କୋରାପୁଟ ପୁଲିସକୁ ବଡ଼ ସଫଳତା। ଏକ ନକ୍ସଲ ମୁକାବିଲା କ୍ଷେତ୍ରରେ ବଡ ଧରଣର ସଫଳତା ପାଇଛି କୋରାପୁଟ ପୋଲିସ। ଏସଓଜି ଓ ଡିଭିଏଫ ପକ୍ଷରୁ ଜିଲ୍ଲାର ସିନ୍ଧିପୁଟ ଜଙ୍ଗଲରେ ମିଳିତ ଆଣ୍ଟି ନକ୍ସଲ ଅପରେସନ ବେଳେ ନଗଦ ଟଙ୍କା ଓ ମାଓ ବିସ୍ଫୋରକ ସାମଗ୍ରୀ ଜବତ ହୋଇଛି। ଏନେଇ ଏସପି ବରୁଣ ଗୁଣ୍ଠୁପାଳି ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ଏହି ଅପରେଶନରେ ନଗଦ ୭୦ ହାଜର ଟଙ୍କା, ୧୭ ମିଟର କର୍ଡେକ୍ସ ତାର, ୩୧ ଟି ଜେଲେଟିନ୍ ଷ୍ଟିକ୍, ୧୧ ଟି ଇଲେକ୍ଟ୍ରିକ୍ ଡିଟୋନେଟର, ଗୋଟାଏ ତାର ବାଣ୍ଡିଲ, ୨ ଟି ଟିଫିନ୍ ବମ୍, ଗୋଟାଏ ପ୍ରେସର କୁକର ବମ୍ ଓ ଗୋଟାଏ ଟେଷ୍ଟିଂ ପିନ୍ ଜବତ ହୋଇଛି। ଏହି ଖବରଦାତା ସମ୍ମିଳନୀରେ ବିଏସଏଫର କମାଣ୍ଡଣ୍ଟ ଜଗଦିଶ ଉପସ୍ଥିତ ଥିଲେ।





