ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ନୂଆଗାଁ ଥାନା ଅନ୍ତର୍ଗତ ଖୋର୍ଦ୍ଧା ବଲାଙ୍ଗିରୀ ଜାତୀୟ ରାଜପଥର ଡିମିରିଝରୀ ନିକଟରେ ଏକ ତୀର୍ଥଯାତ୍ରୀ ବସ ଓଲଟିପଡ଼ିବା ଫଳରେ ବସରେ ଥିବା ଲୋକଙ୍କ ମଧ୍ୟରୁ ୨୫ ଜଣ ଆହାତ ହୋଇଛନ୍ତି । ଆହାତଙ୍କ ମଧ୍ୟରୁ ୭ ଜଣଙ୍କ ଅବସ୍ଥା ଗୁରୁତର ଥିବା ଜଣାଯାଇଛି । ସୂଚନାନୁସାରେ, ଛଚ୍ଛିଶଗଡ଼ରୁ ଏକ ତୀର୍ଥଯାତ୍ରୀ ବସ ପୁରୀ ଜଗନ୍ନାଥ ଦର୍ଶନ ପାଇଁ ଆସିଥିବା ବେଳେ ମଙ୍ଗଳବାର ବିଳମ୍ବିତ ରାତ୍ରିରେ ପୁରୀରୁ ଛତିଶଗଡ଼ ଅଭିମୂଖେ ଯାଉଥିବା ବେଳେ ନୟାଗଡ଼ ନୂଆଗାଁ ଥାନା ଡିମିରିଝରୀଠାରେ ଦୁର୍ଘଟଣା ଗ୍ରସ୍ତ ହୋଇଛି । କୈାଣସି କାରଣ ବସତଃ ବସର ଆଗ ଚକ ବାହାରି ଯିବାରୁ ବସଟି ଭାରସାମ୍ୟ ହରାଇ ଓଲଟି ପଡ଼ିଥିଲା । ବସରେ ୬୦ ଜଣ ଯାତ୍ରୀ ବସିଥିବା ବେଳେ ୨୫ ଜଣ ଆହାତ ଓ ୭ ଜଣ ଗୁରୁତର ହୋଇଥିବା ଜଣାଯାଇଛି । ଘଟଣାସ୍ଥଳରେ ଅଗ୍ନିଶମ ବିଭାଗ କର୍ମଚାରୀ ଓ ପୁଲିସ ପହଂଚି ଆହାତ ମାନଙ୍କୁ ଉଦ୍ଧାର କରି ନୟାଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିଲେ ।
