ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଖେଳପଡ଼ିଆରେ ଆଜି ପ୍ରାତଃ ସମୟରେ ଜିଲ୍ଲାପାଳ ଏକାଦଶ ବନାମ୍ ତହସିଲ୍ ଏକାଦଶ କ୍ରିକେଟ ମ୍ୟାଚ ଅନୁଷ୍ଠିତ ହୋଇଯାଇଛି । ଏହି ମ୍ୟାଚରେ ଜିଲ୍ଲାପାଳ ଏକାଦଶ ପକ୍ଷରୁ କ୍ୟାପଟେନ ନିହାର ରଂଜନ ନାୟକ ଏବଂ ତହସିଲ୍ ଏକାଦଶ ପକ୍ଷରୁ କ୍ୟାପଟେନ ତହସିଲଦାର ଭିକାରୀ ସାହୁଙ୍କ ମଧ୍ୟରେ ଟସ୍ ପଡ଼ିବା ପରେ ଜିଲ୍ଲାପାଳ ଏକାଦଶ ଟସ୍ ଜିତି ବ୍ୟାଟିଂ କରିଥିଲେ । ଏଥିରେ ଜିଲ୍ଲାପାଳ ଏକାଦଶ ୧୫ ଓଭରରେ ୭ ୱିକେଟ ହରାଇ ୧୮୪ ରନ ସଂଗ୍ରହ କରିଥିଲା । ସେହିଭଳି ଦ୍ୱିତୀୟ ଇଂନିସ୍ରେ ତହସିଲ ଏକାଦଶ ୧୫ ଓଭରରେ ୮ ୱିକେଟ ହରାଇ ମାତ୍ର ୧୩୩ ରନ୍ ସଂଗ୍ରହ କରିଥିଲେ । ଫଳରେ ଜିଲ୍ଲାପାଳ ଏକାଦଶ ୫୧ ରନରେ ବିଜୟୀ ଲାଭ କରିବା ସହ ବିଜେତା ଭାବେ ୨ ହଜାର ଟଙ୍କା ପୁରସ୍କାର ରାଶି ପାଇଥିବା ଜଣାପଡ଼ିଛି । ରନର୍ସ ଅଫ ଦଳକୁ ୧ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି । ଏହି ଖେଳରେ ମୁଖ୍ୟ ଅତିଥି ଭାବେ ଉପଜିଲ୍ଲାପାଳ ଲଗ୍ନଜିତ ରାଉତ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ ବରିଷ୍ଠ କିରାଣୀ ନୃସିଂହ ନାୟକ ଯୋଗ ଦେଇଥିଲେ । ଆଜିର ଏହି ଖେଳରେ ଜିଲ୍ଲାପାଳ ଏକାଦଶର ଅରୁଣ ସେଠୀ ୧୦ଟି ବଲରେ ୩୫ ରନ ସଂଗ୍ରହ କରିବା ସହିତ ୩ଟି ୱିକେଟ ପାଇ ଶ୍ରେଷ୍ଠ ଖେଳାଳୀ ଭାବେ ମନୋନୀତ ହୋଇଛନ୍ତି ।
ଜିଲ୍ଲାପାଳ ଏକାଦଶ ୫୧ ରନ୍ରେ ବିଜୟୀ
