ମାଟ୍ରିକ ପରୀକ୍ଷା ହିନ୍ଦୀ ଓ ସଂସ୍କୃତରେ ୨୨୧ ଜଣ ଅନୁପସ୍ଥିତ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାର ଆଜି ମାଟ୍ରିକ୍ ତୃତୀୟ ଦିନ ହିନ୍ଦୀ ଓ ସଂସ୍କୃତ ପରୀକ୍ଷା ଶାନ୍ତି ଶୃଙ୍ଖଳାର ସହିତ ଶେଷ ହୋଇଛି । ଜିଲ୍ଲାରେ ମୋଟ୍ ୧୩ହଜାର ୨୩୧ଜଣ ପରୀକ୍ଷାର୍ଥୀ ପରୀକ୍ଷାର୍ଥୀଙ୍କ ମଧ୍ୟରୁ ତୃତୀୟ ଦିନରେ ୨୨୧ ଜଣ ପରୀକ୍ଷାର୍ଥୀ ଅନୁପସ୍ଥିତ ରହିଥିବା ଜିଲ୍ଲା ଶିକ୍ଷା ବିଭାଗ ସୁତ୍ରରୁ ଜଣାପଡ଼ିଛି । ଜିଲ୍ଲାରେ ନିୟମିତ ଛାତ୍ରଛାତ୍ରୀ ୧୨ହଜାର ୬୮୪ଜଣ ଥିବାବେଳେ ଏକ୍ସ ରେଗୁଲାର ପରୀକ୍ଷାର୍ଥୀ ୨୬୪ଜଣ ଏବଂ ପତ୍ରବିନିମୟ ଶିକ୍ଷା ମାଧ୍ୟମରେ ୨୦ଜଣ ପରୀକ୍ଷାର୍ଥୀ ପରୀକ୍ଷା ଦେବାକୁ ଥିବା ରାଜ୍ୟ ମୁକ୍ତ ବିଦ୍ୟାଳୟ ୨୬୩ ଜଣ ପରୀକ୍ଷାର୍ଥୀ ପରୀକ୍ଷା ଦେବାକୁ ଥିବା ବେଳେ ଆଜି ହିନ୍ଦୀ ଓ ସଂସ୍କୃତ ପରୀକ୍ଷାରେ ୨୨୧ ଜଣ ଅନୁପସ୍ଥିତ ରହିଛନ୍ତି । ଜିଲ୍ଲାରେ ଥିବା ନୋଡାଲ ସେଣ୍ଟର ଗୁଡ଼ିକ ମଧ୍ୟରୁ ଦଶପଲ୍ଲାରେ ୩୬, ନୟାଗଡ଼ରେ ୩୦, ନୂଆଗାଁ ୨୦, ଖଣ୍ଡପଡ଼ାରେ ୩୦, ରଣପୁର ୪୫, ଫତେଗଡ଼ ୨୧, ଓଡ଼ଗାଁ ୨୭, ଗଣିଆରେ ୧୨ ଜଣ ଛାତ୍ରଛାତ୍ରୀ ଅନୁପସ୍ଥିତ ରହିଛନ୍ତି ।