ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାର ପୃଥକ ପୃଥକ ସ୍ଥାନରେ ବାଇକ ଦୁର୍ଘଟଣା ଘଟି ଆଜି ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ୭ ଜଣ ଗୁରୁତର ହୋଇଛନ୍ତି । ଓଡ଼ଗାଁ ବାହାଡ଼ାପିଠାଠାରେ ଘଟିଥିବା ବାଇକ ଦୁର୍ଘଟଣାରେ ନୂଆଗାଁ ଥାନା ଅନ୍ତର୍ଗତ ଆଡ଼ିପଡ଼ା ଗ୍ରାମର ସ୍ୱର୍ଗତ ମାଟିଆ ସେଠୀଙ୍କ ପୁତ୍ର ମନୋଜ ସେଠୀ (୨୪)ଙ୍କର ମୃତ୍ୟୁ ଘଟିଥିବା ବେଳେ ଆହାତମାନେ ହେଲେ ପାଂଚ ଜଣ ଆହାତ ହୋଇଛନ୍ତି । ଦୂର୍ଘଟଣାରେ ସମସ୍ତ ଆହାତଙ୍କ ପ୍ରଥମେ ଓଡ଼ଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠା ଯାଇଥିବା ବେଳେ ଡାକ୍ତର ମନୋଜଙ୍କୁ ମୃତ ଘୋଷଣା କରିଥିଲେ । ନୟାଗଡ଼ ଟାଉନଥାନା ପୁଲିସ ମେଡିକାଲରେ ପହଂଚି ମନୋଜଙ୍କ ଶବ ଜବତ କରିବା ସହ ବ୍ୟବେଚ୍ଛଦ ପାଇଁ ପଠାଇଛି । ଏହି ସମୟରେ ପଛରୁ ଆସୁଥିବା ଅନ୍ୟ ଏକ ବାଇକ ଏହି ଦୁଇ ବାଇକ ସହ ଧକ୍କା ହୋଇଥିଲା । ସେହିଭଳି ନୟାଗଡ଼ ନିକଟସ୍ଥ ଚଣ୍ଡିବସ୍ତ ନିକଟରେ ଦୁଇଟି ବାଇକ ମଧ୍ୟରେ ଦୁର୍ଘଟଣା ଘଟି ଚଣ୍ଡିବସ୍ତ ଗ୍ରାମର ଅକ୍ଷୟ ବିଶ୍ୱାଳ ଏବଂ ଦିଲ୍ଲୀପ ପ୍ରଧାନ ଗୁରୁତର ହୋଇଛନ୍ତି ।
