ନୟାଗଡ଼, (ବାଘୁଆବାର୍ତ୍ତା): ଗଣିଆ ବ୍ଲକ ଛାମୁଣ୍ଡିଆ ପଞ୍ଚାୟତ ମହୁକଣ ଗ୍ରାମରେ ପୋଲିସ ଜନ ସମ୍ପର୍କ ମୈତ୍ରୀ ଉତ୍ସବ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏସଡିପିଓ ଶ୍ରୀନିବାସ ମହାନ୍ତି,ରିଜର୍ଭ ଇନିସପେକ୍ଟର ସୂର୍ଯ୍ୟକାନ୍ତ ପୃଷ୍ଟି,ଗଣିଆ ଥାନା ଅଧିକାରୀ ଦୀପକ କୁମାର ଖଣ୍ଡାୟତରାୟ,ଏଏସଆଇ ବାଳକୃଷ୍ନ ଦାସ ପ୍ରମୁଖ ଉପସ୍ଥିତ ଥିଲେ । ମହୁକଣ ଅଞ୍ଚଳର ପ୍ରାୟ ୫୦୦ରୁ ଅଧିକ ପୁରୁଷ ଓ ମହିଳା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ମହୁକଣ ଗ୍ରାମର ମହିଳା ଓ ପୁରୁଷ ସଂକୀର୍ତ୍ତନ ମଣ୍ଡଳୀ ଏହି କାର୍ଯ୍ୟକ୍ରମରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଅଞ୍ଚଳର ୮ଟି ଭଲି ଦଳକୁ ନେଇ ଏକ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥିଲା । ଏହି ଭଲିଟୁର୍ଣ୍ଣାମେଣ୍ଟରେ ମହୁକଣ ଦଳ ଚାମ୍ପିୟନ ହୋଇଥିବା ବେଳେ ବୁଟୁବୁରେଇ ଦଳ ରନର୍ସ ଅପ୍ ହୋଇଥିଲେ । ପ୍ରାୟ ୪୦୦ରୁ ଅଧିକ ପୁରୁଷ ଓ ମହିଳାଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇ ମାଗଣାରେ େଓ÷ାଷଧ ବଣ୍ଟନ କରାଯାଇଥିଲା । ଗରୀବ ନିରିହ ଜନସାଧାରଣଙ୍କୁ କମ୍ବଳ,ଛାତ୍ର ଛାତ୍ରୀ ମାନଙ୍କୁ ବ୍ୟାଗ,ଖାତା ଓ କଲମ ଦିଆଯାଇଥିଲା । ସଂକୀର୍ତ୍ତନ ମଣ୍ଡଳୀକୁ ଉତ୍ସାହିତ କରିବା ପାଇଁ ଝୁମୁକା ଓ ବାଜା ପ୍ରଦାନ କରାଯାଇଥିଲା । ପୋଲିସ ଓ ଜନତାଙ୍କ ମଧ୍ୟରେ ସୁସମ୍ପର୍କ ସ୍ଥାପନ ପାଇଁ ନୟାଗଡ ଜିଲ୍ଲା ପୋଲିସ ତରଫରୁ ପ୍ରତ୍ୟେକ ବର୍ଷ ଗଣିଆ ବ୍ଲକର ବର ଜଙ୍ଗଳ ଘେରା ଆଦିବାସୀ ଅଞ୍ଚଳରେ ଏଭଳି ଜନସମ୍ପର୍କ ମୈତ୍ରୀ ଉତ୍ସବ ଅନୁଷ୍ଠିତ ହୋଇ ଆସୁଅଛି ବୋଲି ଥାନା ଅଧିକାରୀ ପ୍ରକାଶ କରିଥିଲେ । ଗଣିଆ ପୋଲିସ ଓ ଜିଲ୍ଲା ପୋଲିସର ସମସ୍ତ କର୍ମକତ୍ତାଙ୍କ ସହଯୋଗରେ ଉକ୍ତ କାର୍ଯ୍ୟକ୍ରମ ସୂଚାରୁରୂପେ ସମ୍ପାଦିତ ହୋଇଥିଲା ।
