ବଡ଼ପୁଟ ପ୍ରାଥମିକ ବିଦ୍ୟାଳୟରେ ବନୋତ୍ସବ କାର୍ଯ୍ୟକ୍ରମ

ଓଡ଼ଗାଁ/ନୟାଗଡ଼, (ବାଘୁଆବାର୍ତ୍ତା): ସାରା ରାଜ୍ୟରେ ବନୋତ୍ସବ ପାଳନ କରାଯାଉଥିବା ବାଦ୍ ପଡିନି ନୟାଗଡ଼ ଜିଲ୍ଲା । ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ୍ ଅନ୍ତର୍ଗତ ବଡ଼ପୁର ପ୍ରାଥମିକ ବିଦ୍ୟାଳୟ ପରିସରରେ ବନୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଡ଼ପୁଟ ପ୍ରାଥମିକ ବିଦ୍ୟାଳୟ ଓ ଅର୍ଜ୍ଜୁନ ଇକୋ କ୍ଲବ ପକ୍ଷରୁ ଓଡ଼ଗାଁ ବନ ବିଭାଗର ସହଭାଗିତାରେ ବୃକ୍ଷ ରୋପଣ କରାଯାଇଛି । ଉକ୍ତ କାର୍ଯ୍ୟକ୍ରମରେ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ବିଦ୍ୟାଳୟ ପରିସରରେ ଗଛ ଲଗାଇ ଉଦଘାଟନ କରିଥିବା ସମସ୍ତେ ଗଛ ଲଗାଇ ଗଛର ଯତ୍ନ ନେବାକୁ ପରାମର୍ଶ ଦେଇଛନ୍ତି । ଆଜିର ଏହି ବନୋତ୍ସବ କାର୍ଯ୍ୟକ୍ରମରେ ବଉଳ, ଆମ୍ବ, ପଣସ, ଅଁଳା ଓ ସଜନା ଗଛ ବିଦ୍ୟାଳୟ ପରିସରରେ ଲଗାଯାଇଥିବା ଜଣାପଡିଛି । ଉକ୍ତ କାର୍ଯ୍ୟକ୍ରମରେ ଗଛ ଲଗାଇବା ପାଇଁ ମୁଖ୍ୟ ଅତିଥିଙ୍କ ସହ ଜୋନ୍ ୩ନଂ ର ଜିଲ୍ଲାପରିଷଦ ସଭ୍ୟା ଚିନ୍ମୟୀ ଦାସ, ବିଦ୍ୟାଳୟ ଏସଏମସି କମିଟିର ସଭାପତି ଅରୁଣ କୁମାର ମାଝି, ହିରପୁର ସେନା ସମବାୟ ସମିତିର ନବ ନିର୍ବାଚିତ ସଭାପତି ବୈକୁଣ୍ଠନାଥ ସୀଠ ଓ ବଡ଼ପୁଟ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସନ୍ତୋଷ କୁମାର ମହାପାତ୍ର , ପଞ୍ଚରିଡା ବନାଞ୍ଚଳ ଅଧିକାରୀ ଅର୍ଚ୍ଚନା ଗମାଙ୍ଗୋ ଓ ବୁଦ୍ଧିଜୀବି ଓ ବିଦ୍ୟାଳୟର ସମସ୍ତ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।