ନୟାଗଡ଼, (ବାଘୁଆବାର୍ତ୍ତା) : ନୂଆଗାଁ ବ୍ଲକ ଅଙ୍ଗନବାଡ଼ି କର୍ମୀ ଓ ସହାୟିକା ସାମୁଖ୍ୟର ବୈଠକ ମହିପୁର ନିକଟସ୍ଥ ରାମଚଣ୍ଡୀ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ବ୍ଲକ ସଭାନେତ୍ରୀ ପୁଷ୍ପାଞ୍ଜଳୀ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ବିଜୁ ଶ୍ରମିକ ସାମୁଖ୍ୟର ରାଜ୍ୟ ସହ ସଂପାଦକ ଶ୍ରୀକାନ୍ତ ପଟ୍ଟନାୟକ, ଜିଲ୍ଲା ସଭାନେତ୍ରୀ ଜ୍ୟୋତ୍ସାମୟୀ ପଣ୍ଡା ଯୋଗ ଦେଇ ବିଭିନ୍ନ ସମସ୍ୟା ସଂମ୍ପର୍କରେ ଆଲୋଚନା କରିଥିଲେ । କର୍ମୀ ଓ ସହାୟିକାମାନଙ୍କୁ ରାସନକାର୍ଡ଼ ପ୍ରଦାନ କରାଯିବା ସହ ଖାଦ୍ୟ ସୁରକ୍ଷା ଆଇନରେ ଯୋଡ଼ିବା ଏବଂ ଆବଶ୍ୟକତା ଅନୁଯାୟୀ ଆବାସ ଯୋଜନାର ଅନ୍ତଭୁକ୍ତ କରିବାକୁ ଦାବି ହୋଇଛି । ଅନ୍ୟମାନଙ୍କ ମଧ୍ୟରେ ପ୍ରେମାଞ୍ଜଳୀ ମହାରଣା, କଳ୍ପନା ସେଠୀ, ସରସ୍ୱତୀ ପ୍ରଧାନ ପ୍ରମୂଖ ଆଲୋଚନାରେ ଅଂଶ ଗ୍ରହଣ କରିଥିଲେ ।
