ଯଦୁମଣୀ ଛାତ୍ରାବାସର ୫୫ ତମ ବାର୍ଷିକ ଉତ୍ସବ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ପରିସରରେ ଅନୁଷ୍ଠିତ ଯଦମଣୀ ଛାତ୍ରାଚାସର ୫୫ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ରବିବାର ସଂନ୍ଧ୍ୟାରେ ଆୟୋଜିତ ଏହି କାର୍ଯ୍ୟକ୍ରମରେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଏବଂ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରାବାସ ଜୀବନ ମନୁଷ୍ୟକୁ ଶୃଙ୍ଖଳିତ କରେ ବୋଲି ବକ୍ତବ୍ୟ ଦେଇଥିଲେ । ଏଥିସହିତ ଡ. ସାହୁ ଗୋଟିଏ ଛାତ ତଳେ ଏକାଠି ହୋଇ ରହିବା, ଏକା ସାଙ୍ଗରେ ପାଠ ପଢ଼ିବା, ପରସ୍କରକୁ ସହଯୋଗ କରିବା କେବଳ ଛାତ୍ରାବାସ ଜୀବନରେ ହିଁ ଦେଖା ଯାଇଥାଏ ବୋଲି କହିବା ସହ ମହାବିଦ୍ୟାଳୟର ଛାତ୍ରଛାତ୍ରୀ, ଅବିଭାବକ ଏବଂ ଅଧ୍ୟାପକ ଓ ଅଧ୍ୟାପିକାମାନଙ୍କ ସମନ୍ୱୟ ରହିଲେ ଛାତ୍ରଛାତ୍ରୀମାନଙ୍କ ଶିକ୍ଷାରେ ଅଭିବୃଦ୍ଧି ଘଟିବ ବୋଲି କହିଥିଲେ । ମହାବିଦ୍ୟାଳୟର ଅଧ୍ୟକ୍ଷା ଡ. ମଂଜୁଶ୍ରୀ ପତିଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଛାତ୍ରାବାସ ପରିଚାଳକ ଜାନକୀ ନାଥ ଦାଶ, ସହ ପରିଚାଳକ ବିନାୟକ ପ୍ରସାଦ ରାଓ, ସାଧାରଣ ସଂପାଦକ ଶୁଭଦର୍ଶନ ପଣ୍ଡା, ଦିଲ୍ଲୀପ ମହାପାତ୍ର ପ୍ରମୂଖ ଯୋଗ ଦେଇଥିଲେ । ବିଭିନ୍ନ କ୍ଷେତ୍ରରେ କୃତ୍ତିତ୍ୱ ଅର୍ଜ୍ଜନ କରିଥିବା ଛାତ୍ରମାନଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିଲେ । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା ।
