ଭୁବନେଶ୍ୱର, (ବାଘୁଆବାର୍ତ୍ତା ବ୍ୟୁରୋ) : ଜନସାଧାରଣ ହେଉଛନ୍ତି ଗଣତନ୍ତ୍ରର ଆତ୍ମା । ଗଣତନ୍ତ୍ରରେ ପ୍ରତି ଅନୁଷ୍ଠାନ ଲୋକଙ୍କ କଲ୍ୟାଣ ପାଇଁ, ଲୋକଙ୍କ ପଇସାରେ, ଲୋକଙ୍କ ସେବା ଓ ସଶକ୍ତି କରଣ ପାଇଁ ସୃଷ୍ଟି କରାଯାଇଛି । ପ୍ରତ୍ୟେକ ବ୍ୟକ୍ତିକୁ ଉତ୍ତମ ବ୍ୟବହାର ପଦର୍ଶନ କରାଯିବା ସହ ବୃତ୍ତିଗତ ସେବା ଏବଂ ସେବା ମନୋଭାବ ନେଇ ସେମାନଙ୍କ ସମସ୍ୟା ସମାଦାନ କରାଯିବା ଆବଶ୍ୟକ । ମୋ ସରକାରା ଲୋକମାନଙ୍କ ସରକାର, ଗଣତନ୍ତ୍ରରେ ଲୋକମାନେ ସବୁଠାରୁ ଉର୍ଦ୍ଧ୍ୱରେ ବୋଲି ମୁଖ୍ୟମନ୍ତ୍ରୀ ପ୍ରକାଶ କରିବା ସହିତ ଆଜି ପଂଚାୟତରାଜ ଓ ପାନୀୟ ଜଳ ବିଭାଗକୁ ମୋ ସରକାରରେ ସାମିଲ କରାଇଛନ୍ତି । ରାଜ୍ୟର ସମସ୍ତ ବ୍ଲକ ଏବଂ ଗ୍ରାମ୍ୟ ଉନ୍ନୟନ ବିଭାଗକୁ ଏହି ମୋ ସରକାରରେ ସାମିଲ କରାଯାଇଛି । ଗ୍ରାମାଞ୍ଚଳର ଜୀବନଜିବିକା ହେଉଛି ପଂଚାୟତର ରାଜ ଓ ପାନୀୟକ ଝଲ ବିଭାଗ । ରାଜ୍ୟ ସରକାର ଏହି ବିଭାଗକୁ ଅଧିକ ଗୁରୁତ୍ୱ ଦେବା ସହ ସ୍ୱଚ୍ଛତା ଆଣିବା ଉଦ୍ଦେଶ୍ୟରେ ମୋ ସରକାରରେ ଏହି ବିଭାଗକୁ ସାମିଲ କରିଛନ୍ତି । ଏହି ଅବସରରେ ପଂଚାୟତରାଜ ମନ୍ତ୍ରୀ ପ୍ରତାପ ଜେନା, ବିଭାଗୀୟ ସଚିବ ଓ ମୁଖ୍ୟ ଶାସନ ସବିବ ପ୍ରମୂଖ ଯୋଗ ଦେଇ ନିଜର ବକ୍ତବ୍ୟ ପ୍ରଦାନ କରିଛନ୍ତି ।
