ସ୍ୱତନ୍ତ୍ର ଟୀକାକରଣ ଅଭିଯାନ ଅନୁଷ୍ଠିତ

ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଜିଲ୍ଲା ସ୍ୱାସ୍ଥ୍ୟ ସମିତି ଦ୍ୱାରା ସ୍ୱତନ୍ତ୍ର ଟୀକାକରଣ ଅଭିଯାନ କାର୍ଯ୍ୟକ୍ରମ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଗଣମାଧ୍ୟମ ପ୍ରତିନିଧିମାନଙ୍କ ସହ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟଅତିଥି ଭାବେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଶ୍ୱେତକୁମାର ମହାପାତ୍ର ଯୋଗଦେଇଥିବା ବେଳେ ଡ. ନୌସଦଅଲ୍ଲୀ ଖାଁ, ପୁଷ୍ପାନଳିନୀ ଲାକ୍ରା, କିଶୋର ଚନ୍ଦ୍ର ପ୍ରସାଦ ଦାସ ପ୍ରମୁଖ ଯୋଗଦେଇ ଟୀକାକରଣ ସମ୍ବନ୍ଧରେ ସୂଚନା ପ୍ରଦାନ କରିଥିଲେ । ଏହି ସ୍ୱତନ୍ତ୍ର ଟୀକାକରଣ ଅଭିଯାନ ଦ୍ୱାରା ଶିଶୁଙ୍କୁ ୧୧ଗୋଟି ପ୍ରାଣଘାତୀ ରୋଗରୁ ରକ୍ଷାକରାଯାଇ ପାରୁଛି । ନୟାଗଡ଼ ଜିଲ୍ଲାର ଭାପୁର, ନୟାଗଡ଼, ଓଡ଼ଗାଁ ଓ ନୂଆଗାଁ ବ୍ଲକ୍‌ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ । ସରକାରଙ୍କ ପକ୍ଷରୁ ଟୀକାକରଣ କେନ୍ଦ୍ରରେ ସମସ୍ତ ଟୀକା ମାଗଣାରେ ପିଲାଙ୍କୁ ଦିଆଯିବ । ଏହି ଟୀକାକରଣ ଅଭିଯାନ ଆଜିଦିନ ଠାରୁ ଅରମ୍ଭ ହୋଇ ୧୨ମାର୍ଚ୍ଚ ପର୍ଯ୍ୟନ୍ତ କାର୍ଯ୍ୟ ଚାଲୁରହିବ । ଗ୍ରାମାଞ୍ଚଳରେ କାର୍ଯ୍ୟ କରୁଥିବା ଆଶା ଓ ସ୍ୱାସ୍ଥ୍ୟକର୍ମୀମାନଙ୍କ ସହ ଯୋଗାଯୋଗ କରି ଏହି ସ୍ୱତନ୍ତ୍ର ଟୀକାକରଣ କାର୍ଯ୍ୟକ୍ରମରେ ଯୋଗଦେବା ପାଇଁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ପ୍ରକାଶ କରିଛନ୍ତି । କୌଣସି କାରଣବଶତଃ ଦୁଇ ବର୍ଷରୁ କମ୍ ଶିଶୁମାନେ ଯଦି କୌଣସି ଟୀକା ଦେଇପାରି ନାହାନ୍ତି ତେବେ ଏହି ସ୍ୱତନ୍ତ୍ର ଟୀକାକରଣ ଅଭିଯାନ ମାଧ୍ୟମରେ ନିକଟସ୍ଥ ଟୀକାକରଣ କେନ୍ଦ୍ରରେ ଟୀକା ଦେବାପାଇଁ ସୂଚନା ପ୍ରଦାନ କରାଯାଇଛି । ଏହି ଅବସରରେ ବହୁ ବରିଷ୍ଠ ସାମ୍ବାଦିକ ଉପସ୍ଥିତ ରହିଥିଲେ ।