ନୟାଗଡ, (ବାଘୁଆବାର୍ତ୍ତା): ନୟାଗଡ ଜିଲା ନୂଆଗାଁ ବ୍ଲକ ବଡଗୋଠ ପଚାଂୟତ ଡିମିରିଝରୀ ହାଇସ୍କୁଲ ପଡିଆରେ ଶୁକ୍ରବାରଠାରୁ ଡିମିରିଝରି ପ୍ରିମିୟର ଲିଗ୍ କ୍ରିକେଟ ଟୁର୍ନାମେଂଟ ଆରମ୍ଭ ହୋଇଯାଇଛି । ପ୍ରଥମ ଦିବସରେ ୩ ଗୋଟି ମ୍ୟାଚ୍ ଅନୁଷ୍ଠିତ ହୋଇଥିଲା । ପ୍ରଥମ ମ୍ୟାଚ୍ କସ୍ତୁରୀ ଇଲେକ୍ଟ୍ରିକାଲ୍ସ ବନାମ ମା ଶୁଳିଆ ଫାଇଟର୍ସ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ କସ୍ତୁରୀ ଇଲେକ୍ଟ୍ରିକାଲ୍ସ ଦଳ ପ୍ରଥମେ ଟସ୍ ଜିତି ବୋଲିଂ ନିଷ୍ପତି ନେଇଥିଲେ । ଶୁଳିଆ ଫାଇଟର୍ସ ୭ ଓିକେଟ ବିନିମୟରେ ୧୦୯ ରନ ସଂଗ୍ରହ କରିଥିଲେ । ଜବାବରେ କସ୍ତୁରୀ ଇଲେକ୍ଟ୍ରିକାଲ୍ସ ଦଳ ୯ ଓିକେଟ ହରାଇ ୧୪ ଓଭର ୨ ଗୋଟି ବଲରେ ୧୧୦ ରନ ସଂଗ୍ରହ କରି ବିଜୟ ଲାଭ କରିଥିଲା । ଦ୍ୱିତୀୟ ମ୍ୟାଚ ଇଲେଭେନ ଷ୍ଟ୍ରାଇକର୍ସ ଓ ରାମଚଣ୍ଡୀ ଓ୍ୟାରିୟର୍ସ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ରାମଚଣ୍ଡୀ ଓ୍ୟାରିୟର୍ସ ଟସ୍ ଜିତି ବ୍ୟାଟିଂ ନିଷ୍ପତି ନେଇ ୧୫ ଓଭରରେ ୧୧୧ ରନ ସଂଗ୍ରହ କରିଥିଲେ । ପ୍ରତିପକ୍ଷ ଇଲେଭେନ ଷ୍ଟ୍ରାଇକର୍ସ ଦଳ ୧୪ ଓଭରରେ ୧୧୨ ରନ ସଂଗ୍ରହ କରି ବିଜୟ ଲାଭ କରିଥିଲେ । ସେହିପରି ତୃତୀୟ ମ୍ୟାଚଟି ଡିମି ଡେଭିଲର୍ସ ଓ କସ୍ତୁରୀ ଇଲେକ୍ଟ୍ରିକାଲ୍ସ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ କସ୍ତୁରୀ ଇଲେକ୍ଟ୍ରିକାଲ୍ସ ଦଳ ଟସ୍ ଜିତି ବ୍ୟାଟିଂ ନିଷ୍ପତି ନେଇ ୧୧ ଓଭରରେ ସମସ୍ତ ଓିକେଟ ହରାଇ ଥିଲା । ଜବାବରେ ଡିମି ଡେଭଲର୍ସ ୧୨ ଓଭରରେ ସମସ୍ତ ଓିକେଟ ହରାଇ ୬୫ ରନ ସଂଗ୍ରହ କରି ପରାସ୍ତ ହୋଇଥିଲା । ତୃତୀୟ ମ୍ୟାଚ୍ରେ କସ୍ତୁରୀ ଇଲେକ୍ଟ୍ରିକାଲ୍ସ ବିଜୟ ଲାଭ କରିଥିଲା । ଆଜିର ଏହି ମ୍ୟାଚରେ ବଡଗୋଠ ପଂଚାୟତର ପୂର୍ବତନ ସରପଂଚ ବନମାଳି ସ୍ୱାଇଁ , ଆଂଚଳିକ ହାଇସ୍କୁଲର ପ୍ରଧାନଶିକ୍ଷକ ସୁଧିର କୁମାର ସାହୁ , କ୍ରୀଡା ଶିକ୍ଷକ ପ୍ରଶାନ୍ତ କୁମାର ପ୍ରଧାନ ଏବଂ ହିନ୍ଦୀ ଶିକ୍ଷକ ରମେଶ ଚନ୍ଦ୍ର ରାଉତରାୟ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏହି ମ୍ୟାଚକୁ ଦୀପକ କୁମାର ନାୟକ , ପରମେଶ୍ୱର ସାହୁ , କାହ୍ନା ନାୟକ ,ଗଣେଶ ସାହୁ ସୂଚାରୁରୂପେ ପରିଚାଳନା କରିଥିଲେ ।
ଆରମ୍ଭ ହେଲା ଡିମିରିଝରି ପ୍ରିମିୟର ଲିଗ୍ କ୍ରିକେଟ ଟୁର୍ନାମେଣ୍ଟ
