ଓଲଟିଲା ଆଲୁମିନିୟମ ବୋଝେଇ ଟ୍ରକ, ଦୁଇ ଗୁରୁତର

ନୟାଗଡ଼, (ବାଘୁଆବାର୍ତ୍ତା): ଦଶପଲ୍ଲା ବ୍ଲକ ସୀମାନ୍ତ ତଥା ବାଣିଗୋଚ୍ଛା କାମିଟିପଙ୍ଗା ନିକଟରେ ଆଜି ଏକ ଆଲୁମିନିୟମ ଟ୍ରକ ଓଲଟିବା ସହ ଦୁଇଜଣ ଗୁରୁତର ହୋଇଛନ୍ତି । ସେମାନେ ହେଲେ ତାମିଲନାଡ଼ୁର ବେଣୁ ମୁର୍ଗାନ ଏବଂ ରାଜା କ୍ରିର୍ଷ୍ଣା । ସୂଚନାନୁସାରେ, ଆଜି ଏକ ଆଲୁମିନୟମ ବୋଝେଇ ଟ୍ରକ ଧରି ଏ ଦୁଇଜଣ ବ୍ୟକ୍ତି ଆସୁଥିବା ବେଳେ ଗାଡ଼ିଟି ଭାରସାମ୍ୟ ହରାଇ ଓଲଟି ପଡ଼ିଥିଲା । ଫଳରେ ଦୁହେଁ ଦୁର୍ଘଟଣାର ଶୀକାର ହୋଇ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ପ୍ରଥମେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରତ୍ତଭର୍ତ୍ତୀ କରିଥିଲେ । ଅବସ୍ଥା ସଂକଟାପର୍ଣ୍ଣ ଥିବାରୁ ତାଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତରିତ କରାଯାଇଥିଲା । ଦୁର୍ଘଟଣା ସଂମ୍ପର୍କରେ ପୁଲିସ ତଦନ୍ତ ଚଳାଇଛି ।