ଗୋଡ଼ିପଡ଼ା ନିକଟରେ ବସ ଓ ଅଟୋ ମୁହାଁମୁହିଁ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଶରଣକୂଳ ଥାନା ଅନ୍ତର୍ଗତ ଡିମିସରଠାରେ ଗୋଟିଏ ବସ ଏବଂ ଡାଲା ଅଟୋ ମୁହାଁମୁହିଁ ହେବା ଫଳରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ୮ରୁ ଉର୍ଦ୍ଧ ଆହାତ ହୋଇଛନ୍ତି । ମୃତକ ଜଣଙ୍କ ହେଲେ ଖୁଣ୍ଟୁବନ୍ଧ ଗ୍ରାମର ନକୁଳ ନାୟକ ।
ସୂଚନାନୁସାରେ, ଶରଣକୂଳ ଥାନା ଅନ୍ତର୍ଗତ ଆଙ୍ଗିସିଙ୍ଗି ଗ୍ରାମର ଏକ ବ୍ୟାଣ୍ଡପାର୍ଟି ଦଳ ବାଜା ବଜାଇବା ପାଇଁ ଓଡ଼ଗାଁ ଏବଂ ଆଙ୍ଗିସିଙ୍ଗି ଗ୍ରାମର କିଛି ଯୁବକ ଏକ ଡାଲା ଅଟୋରେ ଡମସାହି ଅଭିମୂଖେ ଯାଉଥିବା ବେଳେ ଡିମିସର ଏବଂ ଗୋଡ଼ିପଡ଼ା ମଝିରେ ଅପରପାଶ୍ୱର୍ରୁ ଆସୁଥିବା ବାବା ବସ ସହ ଦୁର୍ଘଟଣା ଗ୍ରସ୍ତ ହୋଇଥିଲା । ଫଳରେ ସ୍ଥାନୀୟ ଲୋକେ ଦୁର୍ଘଟଣା ଗ୍ରସ୍ତ ଲୋକଙ୍କୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିବା ବେଳେ ଡାକ୍ତର ନକୁଳଙ୍କୁ ମୃତ ଘୋଷଣା କରିଛନ୍ତି । ପୁଲିସ ଦୁର୍ଘଟଣାସ୍ଥଳରୁ ଗାଡ଼ି ଦୁଇଟି ଜବତ କରିବା ସହ ମୃତ ନକୁଳଙ୍କ ଶବ ବ୍ୟବେଚ୍ଛଦ କରାଇଛି ।
