ମାର୍ଚ୍ଚ ୧ରୁ ୭ ନୟାଗଡ଼ରେ ନାଟକ ମହୋତ୍ସବ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ମାଟି କଳା, ସାହିତ୍ୟ ଓ ସଂସ୍କୃତିର ମାଟି । ଏମାଟିର ଲୋକମାନଙ୍କ ମଧ୍ୟରେ ନାଟକ ପ୍ରତି ରହିଛି ଅକୁଣ୍ଠ ଉତ୍କଣ୍ଠା ଓ ଆଗ୍ରହ । ଯେଉଁଥିପାଇଁ ବର୍ଷର ବିଭିନ୍ନ ସମୟରେ ନୟାଗଡ଼ରେ ମଂଚ ନାଟକ ଅନୁଷ୍ଠିତ ହେଉଛି । ଏହି ପ୍ରରିପେକ୍ଷିରେ ନୟାଗଡ଼ ନାଟ୍ୟଧାରା ଅନୁଷ୍ଠାନର ଆସନ୍ତା ମର୍ଚ୍ଚ ୧ରୁ ୭ ତାରିଖ ପର୍ଯ୍ୟନ୍ତ ନୟାଗଡ଼ ସହରରେ ନାଟକ ମହୋତ୍ସବ ଆୟୋଜନ କରିବା ପାଇଁ ସଭାପତି ପ୍ରମୋଦ ପଟ୍ଟନାୟକ ସୂଚନା ଦେଇଛନ୍ତି । ସାତଦିନ ବ୍ୟାପି ଅନୁଷ୍ଠିତ ହେବାକୁଥିବା ଏହି ମହୋତ୍ସବରେ ନୟାଗଡ଼ ସମେତ ଢେଙ୍କାନାଳ, ତାଳଚେର, ଖୋର୍ଦ୍ଦା, କଟକ, ଭୂବନେଶ୍ୱର ପ୍ରଭୃତି ସ୍ଥାନର ନାଟ୍ୟ ସଂସ୍ଥାମାନେ ଏହି ମହୋତ୍ସବରେ ଯୋଗଦେବେ ବୋଲି ଜଣାପଡ଼ିଛି । ପଠାଣିସାମନ୍ତ ପ୍ରେକ୍ଷାଳୟରେ ଅନୁଷ୍ଠିତ ହେବାକୁ ଥିବା ଏହି ନାଟକ ମହୋତ୍ସବରେ ପ୍ରତ୍ୟେକ ଦିନ ସଂଦ୍ଧ୍ୟା ୭ଟା ୩୦ରୁ ନାଟକ ମଂଚସ୍ଥ ହେବ ବୋଲି ସୂଚନା ମିଳିଛି । ସ୍ଥାନୀୟ ରୋଟାରୀ କ୍ଲବଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଶ୍ରୀଯୁକ୍ତ ପଟ୍ଟନାୟକଙ୍କ ସହ ଉପସଭାପତି ବିଶ୍ୱନାଥ ମହାପାତ୍ର, ଡ. ବିଜୟ କୁମାର ଚୈାଧୁରୀ ଏବଂ ଲକ୍ଷ୍ମୀଧର ମହାପାତ୍ର ଉପସ୍ଥିତ ରହି ନୟାଗଡ଼ ନାଟକ ମହୋତ୍ସବ ସଂମ୍ପର୍କରେ ସୂଚନା ପ୍ରଦାନ କରିଛନ୍ତି ।