ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଚେସ ଆସୋସିଏସନ ଏବଂ ରୋଟାରୀ କ୍ଲବ ମିଳିତ ଆନୁକୂଲ୍ୟରେ ଅନୁଷ୍ଠିତ ନୟାଗଡ଼ ଓପନ ଚେସ ଚାମ୍ପିୟନସିପ -୨୦୨୦ ଉଦଯାପିତ ହୋଇଯାଇଛି । ସ୍ଥାନୀୟ ରୋଟାରୀ ଭବନରେ ଅନୁଷ୍ଠିତ ଏହି ଚାମ୍ପିୟନସିପରେ ୨୪ ଜଣ ଖେଳାଳୀ ଭାଗ ନେଇଥିଲେ । ଦୁଇ ଦିନ ଧରି ଅନୁଷ୍ଠିତ ଏହି ଖେଳ ଓଡ଼ିଶା ଚେସ ଆସୋସିଏସନ ଆରବିର୍ଟର ସନ୍ତୋଷ କୁମାର ମହାପାତ୍ରଙ୍କ ତତ୍ୱାବଧାନରେ ଚାଲିଥିବା ବେଳେ ରୋଟାରୀ ସଭାପତି ମଦନ ମୋହନ ମହାପାତ୍ର, ନୟାଗଡ଼ ଚେସ ଆସୋସିଏସନ ସଭାପତି ପ୍ରମୋଦ କୁମାର ପଟ୍ଟନାୟକ ଏବଂ ସମାଜସବେୀ ଧିରେନ୍ଦ୍ର ପଟ୍ଟନାୟକ ପ୍ରମୂଖ ସହଯୋଗ କରିଥିଲେ । ଏହାର ଫାଇନାଲ ରାଉଣ୍ଡରେ ଓଡ଼ଗାଁର ଜିତେନ୍ଦ୍ର କୁମାର ଦାଶ ଚାମ୍ପିୟନ ଘୋଷିତ ହୋଇଥିବା ବେଳେ ନୟାଗଡ଼ ସିନ୍ଦୁରିଆର ଜୟପ୍ରକାଶ ବଇରିଗଂଜନ ରନର୍ସ ଅଫ ହୋଇଥିଲେ । ସେହିଭଳି ତୃତୀୟ ସ୍ଥାନ ଅଧିକାର କରିଛନ୍ତି ଓଡ଼ଗାଁର ଗଙ୍ଗାଧର ଦାଶ । ସମସ୍ତଙ୍କୁ ଅନୁଷ୍ଠାନ ତରଫରୁ ଟ୍ରଫି ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଛି ।
