ବରିଷ୍ଠ ନାଗରିକ ସୁରକ୍ଷା ଓ ବିକାଶ ମଞ୍ଚ ଗଠିତ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ସଦରମହକୁମାରେ ବରିଷ୍ଠ ନାଗରିକଙ୍କ କଲ୍ୟାଣ ନିମନ୍ତେ ଆଜି ଏକ ନୂଆ ସଂଗଠନ ଗଠନ କରାଯାଇଛି । ଏନେଇ ହୋଟଲ ନୀଳମାଧବ ପରିସରରେ ଏକ ବୈଠକ ଅନୁଷ୍ଠିତ ହୋଇଥିବା ବେଳେ ଜିଲ୍ଲାର ବିଭିନ୍ନ ପ୍ରାନ୍ତରେ ରହିଥିବା ବରିଷ୍ଠ ନାଗରିକ ସଂଗଠନ ଗୁଡ଼ିକ ଯୋଗ ଦେଇଛନ୍ତି । ଏହି ବୈଠକରେ ଆଜି କର୍ମକର୍ତ୍ତା ଚୟନ କରାଯାଇଛି । ବରିଷ୍ଠ ନାଗରିକ ସୁରକ୍ଷା ଓ ବିକାଶ ମଞ୍ଚର ସଭାପତି ଭାବେ ଭଗବତୀ ଚରଣ ପଟ୍ଟନାୟକ, କାର୍ଯ୍ୟକାରୀ ସଭାପତି ଭାବେ ଅଖିଳ ମହାରଣା, ସାଧାରଣ ସଂପାଦକ ଭାବେ ପୂର୍ଣ୍ଣଚନ୍ଦ୍ର ବେହେରା ଏବଂ ମୁଖ୍ୟ ଉପଦେଷ୍ଟା ଭାବେ ଗୋଦାବରୀ ସାହୁଙ୍କ ନାମ ଚୟନ କରାଯାଇଛି । ଆଗାମୀ ଦିନରେ ବରିଷ୍ଠ ନାଗରିକଙ୍କ କଲ୍ୟାଣ ପାଇଁ ଏହି ସଂଗଠନ କାର୍ଯ୍ୟକରିବ ବୋଲି ସୂଚନା ମିଳିଛି ।