ଇଟାମାଟି ଫୁଟବଲ କପ, ଫାଇନାଲରେ ଇଟାମାଟି

ନୟାଗଡ଼, (ବାଘୁଆବାର୍ତ୍ତା) : ଯଦୁମଣୀ ଆଥଲେଟିକ ଆସୋସିଏସନ ଦ୍ୱାରା ଆୟୋଜିତ ଇଟାମାଟି କପ ଫୁଟବଲ ଟୁର୍ଣ୍ଣାମେଣ୍ଟ ଦ୍ୱିତୀୟ ସେମିଫାଇନାଲରେ ଆଜି ଯଦୁମଣୀ ଅଥଲେଟିକ ଆସୋସିଏସନ ଇଟାମାଟି ବନାମ ଏବଂ ମା କୋଳାଶୁଣୀ ଆଥଲେଟିକ ଆସୋସିଏସନ ଆରିକିମା ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା । ଏହି ମ୍ୟାଚରେ ଇଟାମାଟି ଦଳ ୧-୦ ଗୋଲରେ ଆଗୁଆ ରହି ବିଜୟ ଲାଭ କରିବା ସହ ଫାଇନାଲ ଖେଳିବାକୁ ସମର୍ଥ ହୋଇଛି । ଏହି ଖେଳରେ ମୁଖ୍ୟ ଅତିଥି ଇଟାମାଟି ଥାନା ଅଧିକାରୀ ଶରତ କୁମାର ପାତ୍ର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଏଏସଆଇ ଶିବ ପ୍ରକାଶ ପ୍ରଧାନ, ଅଧ୍ୟାପକ ପ୍ରଶାନ୍ତ କୁମାର ରଥ ପ୍ରମୂଖ ଯୋଗ ଦେଇଥିଲେ । ଆଜିର ମ୍ୟାଚରେ ଶ୍ରେଷ୍ଠ ଖେଳାଳୀ ଭାବେ ଇଟାମାଟି ଦଳର ଆନନ୍ଦ କୁମାର ଘୋଷିତ ହୋଇଥିଲେ ।