ଘରେ ପଶି ବୃଦ୍ଧଙ୍କୁ ହତ୍ୟା କରି ଆସବାପତ୍ର ଲୁଟିନେଲେ ଦୁର୍ବୃତ୍ତ

କରଞ୍ଜିଆ, (ବାଘୁଆବାର୍ତ୍ତା): ଘରେ ପଶି ବୃଦ୍ଧଙ୍କୁ ହତ୍ୟା କଲାପରେ ସମସ୍ତ ଆସବାପତ୍ର ଲୁଟିନେଲେ ଦୁର୍ବୃତ୍ତ। ମୟୂରଭଞ୍ଜ ଜିଲ୍ଲା କରଞ୍ଜିଆ ବାଇପାସ ନିକଟରେ ଏପରି ଘଟଣା ଘଟିଛି। ମୃତ ବୃଦ୍ଧ ଜଣକ ହେଲେ ଜଗବନ୍ଧୁ ମହାନ୍ତ। ମୟୂରଭଞ୍ଜ ଜିଲ୍ଲା କରଞ୍ଜିଆ ବାଇପାସ ନିକଟରେ ଅବସର ପ୍ରାପ୍ତ ବିଦ୍ୟୁତ କର୍ମଚାରୀ ଜଗବନ୍ଧୁ ମହାନ୍ତ ନୂଆ ଘର ନିର୍ମାଣ କରିଛନ୍ତି।ରବିବାର ଜଗବନ୍ଧୁ ନିଜ ଘର ବୋଳା ଗ୍ରାମରୁ ଏଠାକୁ ଶୋଇବା ପାଇଁ ଆସିଥିଲେ। ତେବେ ସୋମବାର ପୂର୍ବାହ୍ନ ୧୧ ଟା ପର୍ୟ୍ୟନ୍ତ ଘରକୁ ନ ଯିବାରୁ ପରିବାର ଲୋକେ ଆସି ପହଞ୍ଚିଥିଲେ। ସେଠାରେ ଜଗବନ୍ଧୁଙ୍କୁ ହତ୍ୟା କରାଯାଇଥିବା ଦେଖି ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇ ତଦନ୍ତ ଜାରି ରଖିଛି । ତେବେ କିଏ ଓ କାହିଁକି ହତ୍ୟା କଲା ତାହା ବର୍ତ୍ତମାନ ସୁଦ୍ଧା ଜଣାପଡି ନାହିଁ । କେହି ଘରେ ଲୁଟପାଟ କରିବା ଉଦ୍ଦେଶ୍ୟରେ ହିଁ ବୃଦ୍ଧଙ୍କୁ ହତ୍ୟା କରିଥିବା ଅନୁମାନ କରାଯାଉଛି ।