ପାରାଦୀପ ଜିରୋ ପଏଣ୍ଟ ନିକଟରୁ ୫୫ କୁଇଣ୍ଟାଲ ଚୋରା କୋଇଲା ସହ ଟ୍ରକ ଜବତ

ପାରାଦୀପ, (ବାଘୁଆବାର୍ତ୍ତା): ପାରାଦୀପ ଜିରୋ ପଏଣ୍ଟ ନିକଟରୁ ଚୋରା କୋଇଲା ଜବତ। ଚୋରା କୋଇଲାକୁ ଜବତ କଲା ଅଭୟ ଚାନ୍ଦପୁର ପୋଲିସ । ସୂଚନା ମୁତାବକ ଗତକାଲି ରାତିରେ ଏକ ଟ୍ରକ ଯୋଗେ ପ୍ରାୟ ୧୬୦ଟି ଜରି ପ୍ୟାକେଟରେ ପ୍ରାୟ ୫୫ କୁଇଣ୍ଟାଲ ଚୋରା କୋଇଲା ଯାଉଥିବାର ଖବର ପାଇ ଅଭୟଚାନ୍ଦପୁର ପୋଲିସ ଚଢାଉ କରିଥିବା ବେଳେ ଡ୍ରାଇଭର ସମେତ ଚୋରା କୋଇଲା ଚାଲାଣରେ ଲିପ୍ତ ଥିବା ସୁକାନ୍ତ ପରିଡାକୁ ଗିରଫ କରିଥିଲା ଏବଂ ସେମାନେ ବ୍ୟବହାର କରୁଥିବା ଟ୍ରକ୍ ସମେତ ୫୫ କୁଇଣ୍ଟାଲ ଚୋରା କୋଇଲା କୁ ମଧ୍ୟ ଜବତ କରିଥିଲା। ଏଥିରେ ଆଉ କେଉଁମାନେ ସମ୍ପୃକ୍ତ ଅଛନ୍ତି ଏବଂ ଏହି କୋଇଲା କେଉଁଠୁ ଆସିଲା ଏହାକୁ ନେଇ ଅଧିକ ତଦନ୍ତ ଚଳାଇଛି ଅଭୟ ଚାନ୍ଦପୁର ପୋଲିସ ।